स्वराज्य वार्ता प्रतिनिधी कुणाल शिंदे
पुणे :- प्रादेशिक हवामान केंद्राने पुणे जिल्ह्यात १४ व १५ जुलै रोजी अतिवृष्टीचा इशारा दिला असल्याने जिल्ह्यातील इंदापूर, बारामती, दौंड, शिरूर व पुरंदर हे तालुके वगळता इतर सर्व तालुक्यातील १२ वी पर्यंतच्या सर्व शाळांना १४ जुलै ते १६ जुलै पर्यंत सुट्टी जाहीर करण्याचे आदेश जिल्हाधिकारी डॉ. राजेश देशमुख यांनी निर्गमीत केले आहेत.
अतिवृष्टीमुळे कोणत्याही प्रकारची अनूचित घटना घडू नये. तसेच आपत्कालीन परिस्थिती निर्माण होऊन त्याचा परिणाम शालेय विद्यार्थ्यांवर होवू नये याकरीता १२ वी पर्यंतच्या सर्व शाळांना वरील कालावधीत सुट्टी राहील. तथापि, या कालावधीत सर्व मुख्याध्यापक, शिक्षक व शिक्षकेत्तर कर्मचारी यांनी कार्यालयीन वेळेत शाळेत उपस्थित राहून स्थानिक प्रशासनाच्या आदेशानुसार आपत्ती व्यवस्थापनाचे कामकाज करावे असेही आदेशात नमूद करण्यात आले आहे.
त्यामुळे हवामान विभागाने दिलेल्या अतिवृष्टीच्या इशाऱ्यामुळे पुणे जिल्ह्यातील 4 तालुके वगळून इतर तालुक्यातील शाळांना मा जिल्हाधिकारी राजेश देशमुख यांनी सुट्टी 3 दिवस सुट्टी जाहीर केली आहे.