चाकण | रस्त्याने जाणाऱ्या तरुणीचा विनयभंग करून पळालेल्या इसमास चाकण पोलिसांकडून 48 तासात अटक

पुणे वार्ता:- माणीक चौक चाकण येथे रस्त्याने पायी चालणा-या तरुणीचा विनयभंग करणा-या अनोळखी आरोपीस चाकण पोलीस स्टेशन कडुन २४ तासाच्या आत बेडया

दि. २९/०४/२०२२ रोजी रात्री १० / ३० वा. चे सुमारास माणीक चौकामध्ये कंपनीचे बस मधुन उतरून चाकण गावात घराकडे येणा-या एका महिलेचा समर्थ ज्वेलर्स समोर रोडवर एका अनोळखी इसमाने अचानक जबरदस्तीने ओठावर किस केला व सदरचा इसम पळून गेला होता. त्यावेळी तरुणीने आरडा ओरड केली असता आजु बाजुचे लोक जमा झाले परंतु सदर अनोळखी इसम मिळुन आला नाही. सदर घटने बाबत महिलेल्या फिर्यादी वरून दिनांक ३०/०४/२०२२ रोजी चाकण पोलीस स्टेशन येथे गुरनं ६७७ / २०२२ भादवि कलम ३५४, ३५४ (अ), ३५४ (ड) प्रमाणे गुन्हा दाखल करण्यात आलेला होता.

सदर घटनेचे गांर्भीर्य लक्षात घेवून चाकण पोलीस स्टेशनचे वरिष्ठ पोलीस निरीक्षक वैभव शिंगारे यांनी चाकण पोलीस स्टेशन कडील डि. बी. पथकाला सदर गुन्हयातील आरोपी निष्पंन्न करून त्याची गुन्हयाची उकल करून आरोपीस अटक करण्याच्या सुचना व मार्गदर्शन केले. चाकण पोलीस स्टेशनचे डि. बी. पथकाने सदर गुन्हयाचे घटनास्थळ परीसरातील व घटनास्थळाचे येणारे जाणारे रस्त्यावरील सुमारे ०५ ते ०६ ठिकाणाचे सिसिटीव्ही फुटेज तपासले तसेच गोपनीय बातमीदार मार्फत माहिती घेतली असता सदरचा गुन्हा करून पळुन जाणारा अनोळखी इसम निष्पन्न केला.

त्यास ताब्यात घेवून त्याचे नाव पत्ता विचारला असता त्याने त्याचे नाव गणेश ज्ञानोबा भोसले वय ३० रा. भुजबळआळी चाकण ता. खेड जि. पुणे असे सांगीतले. त्याचेकडे सदर गुन्हयाचे अनुषांने तपास केला असता त्याने सदर गुन्हयाची कबुली दिली. सदर आरोपीस गुन्हा दाखल झाल्यापासुन अवघ्या २४ तासाचे आत अटक करण्यात आलेली आहे.

सदरची कारवाई मा. पोलीस आयुक्त श्री. अंकुश शिंदे साहेब, अपर पोलीस आयुक्त, श्री. संजय शिंदे, पोलीस उप आयुक्त, परिमंडळ- १ श्री. मंचक इप्पर, सहा. पोलीस आयुक्त, प्रेरणा कट्टे यांचे सुचना व मार्गदर्शना खाली वरिष्ठ पोलीस निरीक्षक वैभव शिंगारे, पोलीस निरीक्षक अनिल देवडे, सपोनि प्रसंन्न ज-हाड, सपोनि विक्रम गाकयवाड, पोहवा संदिप सोनवणे, पोना हनुमंत कांबळे, मच्छिंद्र भांबुरे, निखील शेटे, पोकॉ नितीन गुंजाळ, प्रदिप राळे, निखील वर्पे यांनी केलेली आहे. सदर गुन्हयाचा • अधिक तपास पोलीस उप निरीक्षक विकास मडके हे करीत आहेत.