खेड कृषी उत्पन्न बाजार समितीचा कारभार सोमवार पासून प्रशासक पहाणार…!

खेड(राजगुरूनगर): कृषी उत्पन्न बाजार समित्यांच्या संचालकांना जो वाढीव कार्यकाळ मिळाला होता त्या सर्व कृषी उत्पन्न बाजार समित्यांवर आता प्रशासक नेमणुकीची प्रक्रिया सुरू झाली आहे.

त्यात खेड कृषी उत्पन्न बाजार समितीचा सोमवार पासून प्रशासक म्हणून सहकार सहाय्यक निबंधक हरीचंद्र कांबळे हे कारभार बघणार आहे. सहकार विभागाकडून त्यांची प्रशासक म्हणून नियुक्ती करण्यात आली आहे.

आता बाजार समितीच्या संचालकांना जो वाढीव कार्यकाळ भेटला होता तो संपुष्टात आला आहे. सोमवार दिनांक २५ एप्रिल २०२२ पासून बाजार समितीच्या पदाधिकारी यांची कार्यालये सीलबंद होणार आहेत.

खेड कृषी उत्पन्न बाजार समिती बरोबरच जुन्नर, आंबेगाव, निरा, भोर या एकूण पाच कृषी उत्पन्न बाजार समित्यांचा कारभार आता प्रशासक पाहणार आहेत. कोरोना महामारीमुळे बाजार समित्यांचा ऑगस्ट २०२० लाच कार्यकाळ संपुष्टात आला होता. पण त्यावेळी तत्कालीन संचालक मंडळाला पुढे मुदतवाढ देण्यात आली होती. पण आता दीड वर्षे उलटून गेल्याने मुदतवाढ देणे उचित ठरत नसल्याने शासनाकडून प्रशासक नेमण्याच्या सूचना देण्यात आल्या आहेत.