शहरात भरदिवसा दोन घरे फोडली;तीन लाख रुपयांचा ऐवज चोरीला

दर्यापूर – महेश बुंदे

शहराला लागून असलेल्या हिंगणी रोड नजीकच्या ड्रिम लँन्ड सिटी वस्तीतील दोन रहिवाशी घरात भरदिवसा धाडसी घरफोडी करून रोख व दागीन्यासह तब्बल ३ लाखावर एवज लंपास केल्याची घटना (दि. २१ ) गुरवारी दुपारच्या सुमारास घडली आहे. वर्दळीच्या भागातील रहिवाशी घरात भरदिवसा घडलेल्या चोरीच्या घटनेने परिसरातील रहिवाशीयांमध्ये भितीचे वातावरण निर्माण झाले आहे. ड्रिम लँन्ड सिटी येथील रहिवासी विवेक मनोहर भदे हे आपल्या कुटुंबासह तालुक्यातील लोतवाडा या गावी लग्न समारंभात गेले होते.

हि संधी साधून चोरट्यांनी घराचे मागील दाराचा कुलप कोंडा तोडून घरात प्रवेश केला. घरातील कपाट फोडून त्याती १६ ग्रँमचे लहान मंगळसूत्र, २५ ग्रँम सोन्याचा गोफ, ७ ग्रँमची अंगठी व आतील ड्राँव्हरमधील ६० हजार रोख असा एकून १ लाख ९८ हजाराचा मुद्देमाल लंपास केला.तसेच भदे यांच्या घरा शेजारील अशोक वरखडे यांचेही बंद असलेल्या घराचा कुलूप कोंडा तोडून घरातील बेडरुमधील लोखंडी कपाटाचे लाँकर तोडून ४ ग्रँम सोन्याची अंगठी व रोख ५ हजार असा एकून २५ हजाराचा माल चोरून नेला आहे.

दोन्हीही कुटुंब सायंकाळी ७ वाजता घरी परतले असता चोरी झाल्याचे समोर आले. दरम्यान माहीती मिळताच पोलीसांनी रात्री ऊशीरा घटनास्थळी भेट देऊन पंचनाम करीत अज्ञांत आरोपींवर गुन्हा दाखल केला आहे. शुक्रवारी सकाळी अमरावती येथील ठसेतंज्ञ, व श्वानपथकाला पाचारण करण्यात आले होते. या घटनेच्या अनुषंगाने दिवसाही पोलीस गस्तं वाढविण्याची मागणी नागरिकांतून होत आहे.