ग्रीष्मकालीन क्रीडा शिबिरातील पाचशे विद्यार्थ्यांना दिला गणोरकर परिवाराने पावभाजीचा नाश्ता

दर्यापूर – महेश बुंदे

सध्या शाळांना सुट्ट्या लागण्याची वेळ आली असून, सुट्ट्या लागायच्या अगोदर ठिकठिकाणी पंधरा दिवसांचे ग्रीष्मकालीन क्रीडा शिबिरांचे आयोजन केल्या जात आहे. त्याचप्रमाणे दर्यापूर शहरातील प्रतिष्ठित समजली जाणारी प्रबोधन हायस्कूल या शाळेच्या पटांगणामध्ये गेल्या दहा दिवसापासून शिबीर सुरू असून या शिबिरात जवळजवळ ग्रामीण व शहरातील एकूण ५०० विद्यार्थी वेगवेगळ्या खेळामध्ये सहभागी झाले आहे

. या शिबिरात सहभागी झालेल्या विद्यार्थ्यांना रोज सकाळी दान-दात्यांच्या माध्यमातून वेगवेगळा पौष्टीक अल्पहार दिल्या जाते. याच पार्श्वभूमीवर प्रबोधन विद्यालय व कनिष्ठ महाविद्यालयाचे अध्यक्ष रविभाऊ गणोरकर व त्यांचा गणोरकर परिवार यांच्या वतीने शिबिरातील पाचशे मुलांना पावभाजीचा नाश्ता श्री गणोरकर व सौ गणोरकर मॅडम यांच्या हस्ते शुभारंभ करून सर्व मुलांना व शिक्षकांना पावभाजी अल्पोपहार दिला.

त्याबद्दल संस्थेचे प्राचार्य दत्तात्रय रेवस्कर यांनी त्यांचा शाल, श्रीफळ देऊन माजी शिक्षक अशोकराव हिरुळकर, उपमुख्याधिपिका सौ.श्रीनाथ मॅडम, पर्यवेक्षिका कु.भिसे मॅडम,सौ. संत मॅडम, यांच्या उपस्थितीत सत्कार केला. यावेळी उपस्थित सर्वांचे महाविद्यालयाचे उपप्राचार्य नरेंद्र गोंडाणे यांनी उपस्थित सर्वांचे आभार मानले. यावेळी क्रीडा शिक्षक निखिल बुंदीले, लालसिंग राठोड, क्रांती गहरवाल, हरीश माहूरे, रामराजा जऊळकार, आदी उपस्थित होते.