दिलीप बाबू इंगोले यांचा अभिष्टचिंतन सोहळा उद्या अमरावतीत

अमरावती – महेश बुंदे

श्री शिवाजी शिक्षण संस्थेचे कोषाध्यक्ष दिलीपबाबु भगवंतरावजी इंगोले यांच्या वाढदिवसाच्या निमित्ताने सन्मान अष्टपैलू व्यक्तिमत्त्वाचा गौरव कर्तुत्वाचा अभिष्टचिंतन सोहळ्याचे आयोजन उद्या शुक्रवार दिनांक २२ एप्रिल २०२२ रोजी सायंकाळी ५ वाजता मातोश्री विमलाबाई देशमुख सभागृहात आयोजित करण्यात आला आहे, या कार्यक्रमाच्या अध्यक्षस्थानी श्री शिवाजी शिक्षण संस्थेचे अध्यक्ष हर्षवर्धनजी देशमुख राहतील, विशेष अतिथी म्हणून महिला व बालकल्याण मंत्री व जिल्ह्याच्या पालकमंत्री यशोमतीताई ठाकूर, शिक्षण राज्यमंत्री बच्चुभाऊ कडू उपस्थित राहतील,

यावेळी अमरावती जिल्ह्याच्या खासदार सौ. नवनीत राणा अमरावती विधानसभेच्या आमदार सौ. सुलभाताई खोडके, माजी राज्यमंत्री डॉ. सुनील देशमुख व संस्थेची संपूर्ण कार्यकारणी उपस्थित राहतील, दिलीपबाबु इंगोले यांनी शैक्षणिक, राजकीय, सामाजिक व सहकार क्षेत्रात केलेल्या उत्तुंग कामगिरीबाबत त्यांचा नागरी सत्कार करण्यात येत आहे, या सत्काराला बहुसंख्यने उपस्थित राहण्याचे आवाहन नागरी सत्कार समितीचे अध्यक्ष हेमंत भाऊ काळमेघ, विनायकराव पुंडकर रमेशराव सोळंके, अशोकराव देशमुख, अशोकराव गावंडे, रमेशराव कीटुकले, प्रतिक खुरद यांनी केले आहे, दर्यापूर येथून बहुसंख्येने श्री शिवाजी शिक्षण संस्थेचे आजीवन सभासद शिव परिवारातील मान्यवर व्यक्ती शिवाजी शिक्षण संस्थेचे कर्मचारी मोठ्या संख्येने उपस्थित राहणार असल्याचे आदर्श हायस्कूल कनिष्ठ महाविद्यालय शिक्षक अनिल भारसाकडे यांनी प्रसिद्ध पत्रकाद्वारे कळविले आहे.