चिंबळी श्री काळभैरवनाथ महाराजांची यात्रा उत्साहात साजरी

चिंबळी दि २१(वार्ताहर सुनील बटवाल) खेड तालुक्यातील औद्योगिक क्षेत्रात असलेल्या दक्षिण भागातील चिंबळी (ता खेड) येथील ग्रामस्थांचे ग्रामदैवत असलेल्या श्री काळभैरव नाथ महाराजांच्या उत्साहा निमित्ताने गावातील सर्व मंदिरांना विद्युत रोषणाई करुन भैरवनाथ महाराजांच्या मंदिराच्या परिसरात भव्य मंडप उभारण्यात आला.

असुन उत्साहा निमित्ताने पहाटे पाच ते सहा वाजेपर्यंत महापुजा अभिषेक करून हारतुरे व मानाच्या मांडव डहाळे मिरवणूक काढण्यात आली तर सकाळी आठ वाजता भव्य बैलगाडा शर्यतीचे उध्दघाटन खेड तालुका कृषी उत्पन्न बाजार समितीचे सभापती विलास कातोरे व तसेच बाजार समितीचे संचालक व माजी सरपंच पांडुरंग बनकर तसेच सर्व यात्रा कमिटीच्या सर्व संचालकांच्या हस्ते करण्यात आले

उत्साहा निमित्ताने आयोजित करण्यात आलेल्या बैलगाडा शर्यती मध्ये २५६ बैल गाडा मालकांनी सहभाग घेतला असुन यामध्ये फळीफोट घाटाचा राजा म्हणून मोशी येथील रोहन सस्ते यांचा गाडा १२ सेकंदात गेला असल्याचे सांगण्यात आले यात्रे निमित्ताने गुरूवार दि २१ रोजी सायंकाळी आठ वाजता श्री काळभैरव महाराजांचीही पालखी (छबीना) ढोल तासांच्या भव्य गजरात मिरवणूक काढुन करमणुकीसाठी चंद्रकांत ढवळपुरी यांचा लोकनाट्याचा कार्यक्रम ठेवण्यात आला होता.