आदर्श हायस्कूल व कनिष्ठ महाविद्यालयात ग्रीष्मकालीन कला क्रीडा व सांस्कृतिक शिबिराचे उद्घाटन संपन्न

दर्यापूर – महेश बुंदे

श्री शिवाजी शिक्षण संस्था अमरावती द्वारा संचालित आदर्श हायस्कूल व कनिष्ठ महाविद्यालय दर्यापूर तथा जिल्हा क्रीडा अधिकारी कार्यालय अमरावती यांच्या संयुक्त विद्यमाने ग्रीष्मकालीन कला क्रीडा व सांस्कृतिक शिबिराचे उद्घाटन संपन्न झाले.

कार्यक्रमाचे अध्यक्ष म्हणून डॉ. रामचंद्र शेळके उपाध्यक्ष श्री शिवाजी शिक्षण संस्था अमरावती तथा शाळा समिती अध्यक्ष उद्घाटक म्हणून प्राचार्य केशवराव गावंडे कार्यकारणी सदस्य श्री शिवाजी शिक्षण संस्था अमरावती तथा सदस्य शाळा समिती प्रमुख उपस्थिती मध्ये प्राध्यापक पंजाबराव म्हाला सदस्य शाळा समिती माननीय भागवत बुरघाटे आजीवन सदस्य श्री शिवाजी शिक्षण संस्था अमरावती, विनायक गावंडे शाळा निरिक्षक आदर्श हायस्कूल व कनिष्ठ महाविद्यालय, दर्यापूर शाळेचे मुख्याध्यापक गोपाल गौरखेडे, शाळेच्या उपमुख्याध्यापिका कल्पना धोटे, शिबीर प्रमुख सचिन खांडे, शिक्षक प्रतिनिधी अनिल भारसाकळे, शिक्षकेतर प्रतिनिधी प्रदीप भारसाकळे, क्रीडा शिक्षिका उमा बुंदेले व सर्व शिक्षक शिक्षकेतर कर्मचारी उपस्थित होते, या शिबिरामध्ये ४५० विद्यार्थ्यांनी सहभाग घेतला असून त्यांना एक टीशर्ट सहभाग प्रमाणपत्र व शिक्षकांकडून रोज नाश्ता दिला जाणार आहे व तज्ञ मार्गदर्शकान कडून खेळाचे मार्गदर्शन करण्यात येणार आहे या कार्यक्रमाचे संचलन सनिल झोपाटे तर आभार अनिल भारसाकळे यांनी मानले.