मोई येथील श्री भैरवनाथ महाराज यात्रा उत्साहात साजरी

चिंबळी,दि १९(वार्ताहर सुनील बटवाल) खेड तालुक्याच्या दक्षिणभागातील प्रसिद्ध असणाऱ्या मोई येथील श्री भैरवनाथ महाराज  देवाचे मनाचे बारा गाडे हाताने ओढुन शेकडो वर्षांची परंपरा जोपासली. 

मोई (ता खेड) येथील ग्रामदैवत श्री भैरवनाथ महाराज यात्रा उत्सवाला पूर्वीच्या प्रथा परंपरेने मानाचे बारा गाडे ओढून उत्साहात साजरी करण्यात आली.चैत्र पोर्णिमाला  हनुमान मंदिरात अंजलीसुत पवनपुत्र  वीर हनुमान जन्म ,काकडा आरती, श्री भैरवनाथ महाराज ग्राम प्रदर्शना पालखी मिरवणूक पारंपरिक ढोल ,ताशाच्या गजरात ,गुलाल-भांडाऱ्याची ग्रामस्थांनी  काढली.पालखी  इंद्रायणीनदी तीरावर श्रीच्या मुखवट्यास जलअभिषेक घालून श्रींची पालखी वाजत गाजत मंदिरात आल्यावर मानाच्या गाड्याची व श्रींची विधीवत पूजा आरती ,तळीभंडारा केल्यावर मंदिर दर्शनासाठी भक्त,ग्रामस्थ यांना खुले करण्यात आले.सायंकाळी श्री भैरवनाथ महाराज यांच्या मानाचे बारा गाडे ओढून यात्रेची सांगता झाली.

या वेळी परिसरातील भक्त भाविक ,ग्रामस्थ ,महिला मोठया संख्येने उपस्थित होते.सात  वर्षांपासून  शेतकऱ्याची जिव्हाळ्याची बैलगाडा  स्पर्धा सुरू झाल्याने गाडा मालक ,शेतकरी,ग्रामस्थांनी समाधान व्यक्त केले .यात्रेच्या दिवशी बैलांची वाजतगाजत मिरवणुक ग्रामदैवत श्री भैरवनाथ महाराज मंदिरास प्रदक्षिणा घेऊन काढली.