निघोजे येथील  श्री भैरवनाथ महाराजांची यात्रा विविध धार्मिक कार्यक्रमाने संपन्न

चिंबळी दि १८( वार्ताहर सुनिल बटवाल) खेड तालुक्यातील औद्योगिक क्षेत्रात पिंपरी चिंचवड महानगरपालिकेच्या जवळ असलेल्या निर्मलग्राम आदर्श कृषी ग्राम पुरस्कार प्राप्त निघोजे (ता खेड)येथील  श्री भैरवनाथ महाराजांच्या उत्साहा निमित्ताने संपुर्ण मंदिराला विद्युत रोषणाई करुन भव्य मंडप उभारण्यात आला होता.

यावेळी विविध धार्मिक कार्यक्रमांचे आयोजन करून पहाटे काकड आरती महापुजा अभिषेक व हारतुरे मांडव डहाळे मिरवणूक काढण्यात आली होती तर सायंकाळी भैरवनाथ महाराजांच्या पालखीची मिरवणूक ढोल तासांच्या भव्य गजरात मिरवणूक काढण्यात आली .

यावेळी गावातील सर्व ग्रामस्थानी व महिला वर्गानी पालखीचे दर्शन घेण्यासाठी मोठ्या प्रमाणात गर्दी केली होती .तर सोमवार दि १८ रोजी भव्य बैलगाडा शर्यतीचे आयोजिन करण्यात आले होते या बैलगाडा शर्यती मध्ये २०५ बैलगाडा मालकांनी सहभाग घेऊन यात्रेची शोभा वाढवली होती या बैलगाडा शर्यती मध्ये १२ सेकंदात बळीफोड करण्यात आली

तर घाटांचा राजा म्हणून कुरुळी येथील प्रसिद्ध बैल गाडा मालक बाळासाहेब सोपान कड यांनी मान मिळविला या बैल गाडा शर्यती साठी एकुण इनाम ९लाख रुपये चार मोटरसायकल व चार बैल गाडे आदि बक्षिस ठेवण्यात आले आहे या बैलगाडा शर्यतीचे आयोजिन समस्त ग्रामस्थ व यात्रा कमिटीच्या वतीने करण्यात आले होते.