कर्मयोगी गाडगेबाबांच्या दशसुत्रीच्या प्रचार व प्रसारासाठी संत गाडगेबाबा संदेशयात्रा

बातमी संकलन – महेश बुंदे

संपुर्ण विश्वाला स्वच्छतेचा महामंत्र देणारे, वैराग्यमुर्ती गाडगेबाबांनी आपल संपुर्ण आयुष्य गोरगरीब, अंध, अपंग, निराश्रीतांच्या सेवेसाठी खर्ची घातले. अहोरात्र भ्रमंती करत किर्तनाच्या माध्यमातून व्यसनमुक्ती, अंधश्रध्देचा संदेशदेत स्वत: हातात खराटा घेवून स्वच्छतेचे महत्व पटवुन दिले. प्रामुख्याने श्री गाडगेबाबांच्या विचारांचा वारसा जपत, तरुण पिढीली व घरा घरापर्यंत गाडगेबाबांचा दहाकलमी संदेशाचा प्रसार व प्रचार व्हावा, या उदात्त हेतून श्री गाडगेबाबांच्या प्रतिरुप सेवार्थ प्रचार वाहनातून श्री क्षेत्र नागरवाडी ते भारतरत्न डॉ. बाबासाहेब आंबे़डकर स्मारक चैत्यभूमी दादर पर्यंत संत गाडगेबाबा संदेशयात्रा व स्वच्छता अभियान उपक्रम राबविण्यात आले.

अशी माहिती संदेशयात्रेचे प्रमुख बापूसाहेब देशमुख यांनी यावेळी दिली. या श्रृखंलेत संत गाडगेबाबा संदेशयात्रा नाशिक येथे श्री गाडगेबाबांनी आपल्या हयातीत रामनवमी व चैत्रशुध्द एकादशीला सुरु केलेल्या गाडगे महाराज धर्मशाळेत अंध,अपंग सदावर्ताच्या ८६ व्या वर्धापन दिनाच्या सोहळ्याकरीता दाखल झाले होती. यावेळी कार्यक्रमाची सुरुवात ज्योतिर्लिंग त्र्यंबकेश्वर येथे स्वच्छता अभियान राबवित करण्यात आली. यानंतर नाशिक येथिल घाटोळ परीवार व श्री.बाजीराव तिळके यांचे विशेष सहकार्यातून एकादशीला गोरगरीब, अंध, अपंग, वृध्दामायबापांना सुदंर फराळ देण्यात आले. यामध्ये द्राक्ष, चिकू, केळी,गुळ-शेंगदाने, वेफर्स, फराळी चिवडा, राजगिरा लाडू, तसेच पुरुषांना ब्लॅंकेट, महिलांना सुंदर साड्या, सतरंजी, टॉवेल, सोलापुरी चादर, ईत्यादींचे माजी जिल्हा क्रिडाधिकारी सानप व सोनल साळी यांचे शुभहस्ते मोफत वितरणाचा भव्यदिव्य असा वर्धापनदिन सोहळा या ठिकाणी पार पडला.

दरम्यान लोकप्रिय आ. प्रा. सौ.देवयानी फरांदे यांचे विशेष प्रयत्नातून धर्मशाळा परीसरात लागणारे सुदंर पेव्हर ब्लॉक व सौंदर्यीकरण अशा ३.५ लक्ष रुपयांच्या कामाचे भूमिपुजन यावेळी करण्यात आले. यानंतर कर्मयोगी गाडगेबाबांच्या सेवाकार्याचा वारसा लाभलेले तसेच श्री गाडगे महाराज मिशन मुंबईचे आजीव अध्यक्ष कै.दादासाहेब उर्फ अच्युतराव गुलाबराव देशमुख बहुउद्देशीय सभागृहाचे संस्थेचे प्रमुख विश्वस्थ बापूसाहेब देशमुख यांच्या शुभहस्ते मान्यवरांच्या उपस्थितीत उद्घाटन समारंभ पार पडला.

त्यावेळी श्री गाडगेबाबांचे परमभक्त सुखदेव शेठ भुतडा व अभियंता मनिष भुतडा यांचेकडून श्री गाडगेबाबांच्या संदेशाचे सुंदर असे म्युरल आर्ट धर्मशाळेला भेट देण्यात आले.यानंतर मुंबई येथे भारतरत्न डॉ. बाबासाहेब आंबेडकर यांच्या जयंतीनिमीत्ताने दादर येथिल स्मारक चैत्यभूमी येथे संदेशयात्रा दाखल होऊन डॉ.बाबासाहेब आंबेडकर यांचे स्मृतीस विनम्र अभिवादन करण्यात आले.

दरम्यान श्री गाडगे महाराज धर्मशाळा दादर येथिल रुग्णांना व नातेवाईकांना अन्नदान करण्यात आले.तसेच मुंबई परिसरात श्री बापूसाहेब देशमुख यांनी गाडगेबाबांचा संदेश देत गोपाला गोपाला देवकीनंदन गोपालाचा गरज सर्वत्र पाहायला मिळाला. तसेच परतीच्या प्रवासादरम्यान सोनाळा येथिल कमला निळकंट देशमुख यांचे समवेत ग्रामस्थांनी संदेशयात्रेचे स्वागत करत श्री बाबांच्या प्रतिरुप सेवार्थ वाहनाचे पुजन केले.यावेळी उपस्थित गावकरी मंडळींना श्री गाडगेबाबांचा प्रसाद म्हणुन सुंदर सोलापुरी चादर, ब्लॅंकेट, शर्टपॅन्ट पिस, द्राक्ष ईत्यादींचे संदेशयात्रेचे प्रमुख श्री.बापूसाहेब देशमुख यांचे शुभहस्ते वितरण करण्यात आले.

प्रामुख्याने या संदेशयात्रेत गाडगे महाराज मिशन मुंबईचे संचालक सागर देशमुख. कर्करोग रुग्णसेवक प्रशांत देशमुख. प्रकाश महात्मे, वसंत देशमुख, कुणाल देशमुख, गजानन जवंजाळ, पशुवैद्य बाळासाहेब कावरे, प्रसिध्द गायक अतुल रेळे, हरीभाऊ मोगरकर, तसेच सेवक व भजनी मंडळी मोठ्या उत्साहाने या संदेशयात्रेत सहभागी झाले होते.दरम्यान श्री गाडगे महाराज धर्मशाळा दादर,व श्री गाडगे महराज धर्मशाळा नाशिक यांचेकडून सेवक,भजनी मंडळींना भेट वस्तु देवुन व्यवस्थापक प्रशांत देशमुख व कुणाल देशमुख यांनी यावेळी सर्वांचे आभार मानले.