नारूसदृश्य कृमी आणी पाण्याचे नमुने तपासणीसाठी पाठवले लॅबला ; नागरीकांचे आरोग्य धोक्यात,आरोग्य विभागाने लक्ष देन्याची गरज
प्रतिनिधी फुलचंद भगत
मंगरुळपीर लगतच्या जांब ग्राम पंचायत हद्दीत असलेल्या डेरेकाॅलनीमध्ये खडसे नावाच्या व्यक्तीच्या बोअरवेलच्या पिण्याच्या पाण्यात नारूसदृश्य कृमी आढळल्याने एकच खळबळ ऊडाली आहे.यामुळे नागरीकांचे आरोग्य बिघडन्याची शक्यता नाकारण्यात येत नसल्याने आरोग्य विभागाने त्वरीत लक्ष देण्याची गरज असल्याचे वृत्त प्रकाशीत होताच आरोग्य विभागाची टिम घटनास्थळी पोहचुन पंचनामा केला.
आजुबाजुंच्या बोअरवेलच्या पाण्याचे नमुनेही घेतले तसेच सदर नमुने व नारूसदृश्य कृपी तपासणीसाठी लॅबला पाठवले आहेत. मंगरुळपीर लगतच्या जांबरोडवरील डेरेकाॅलनीमधील खडसे यांनी बोअरवेलमधुन पाणी भरले.सदर पाणी बकेटमध्येही भरले असता त्या बोअरवेलमधुन बकेटीतल्या पाण्यात नारूसदृश्य कृमी असल्याचे लक्षात आले.
ही बाब लगेच परिसरातील नागरीकांना समजताच पाहण्यासाठी मोठी गर्दी झाली होती.शासनाने नारूचे ऊच्चाटन करण्यासाठी सर्वतोपरी प्रयत्न केलेले असतांना असा पिण्याच्या पाण्यात नारूसदृश्य कृमी आढळल्यामुळे नागरीकांमध्ये आरोग्याविषयी भिती निर्माण झाली आहे.
