रामनवमीच्या मुहूर्तावर खराबवाडीत किरण किर्ते यांचा राष्ट्रवादीत प्रवेश, गावाची राजकीय समीकरणे बदलणार…!

चाकण: खराबवाडी गावचे माजी पोलीस पाटील किरण किर्ते यांचा रामनवमीच्या मुहूर्तावर खेड तालुक्याचे आमदार दिलीप मोहिते पाटील यांच्या हस्ते राष्ट्रवादी काँग्रेसमध्ये जाहीर प्रवेश केला आहे. यामुळे भविष्यातील खराबवाडी गावातील राजकीय गणितात मोठे बदल होणार असल्याची चर्चा गावात सुरू झाली आहे.

किरण किर्ते यांचा खराबवाडी गावातील पोलीस पाटील पदाचा कार्यकाळ बघता त्यांनी पदाला साजेशे असे काम केले आहे. पण काही राजकीय हस्तक्षेपामुळे त्यांनी आपल्या पदाचा राजीनामा दिला होता. त्यानंतर ते राष्ट्रवादी काँग्रेसमध्ये प्रवेश करणार की दुसऱ्या कोणत्या पक्षात प्रवेश करणार यावर गावात उलट सुलट चर्चाना उधाण आले होते. पण आज अखेर रामनवमीच्या शुभ मुहूर्तावर त्यांनी राष्ट्रवादी काँग्रेसचा झेंडा हाती घेतल्याने नक्कीच खराबवाडी गावात व परिसरात मोठ्या प्रमाणावर राष्ट्रवादी काँग्रेस पक्षाला बळकटी मिळणार आहे.

किरण किर्ते यांच्या राष्ट्रवादी काँग्रेसच्या प्रवेशामागे राष्ट्रवादी काँग्रेसचे तालुका खजिनदार अरुण सोमवंशी यांनी सर्व सूत्रे हलवली. यामुळे ही प्रवेश खेळी आमदार दिलीप मोहिते पाटील यांनी तर टाकली नाही ना? अशीही चर्चा आता गावात रंगू लागली आहे. त्यामुळे भविष्यातील राजकीय गणिते बघता कुठे आणि कसे गणिते जुळून घ्यायचे आणि कुणाचा टप्पात आला की करेक्ट कार्यक्रम कसा करायचा यात आमदार पारंगत असल्याने आता खराबवाडी सारख्या राजकीय दृष्ट्या संवेदनशील असणाऱ्या ग्रामपंचायतीची सूत्रे हातात घ्यायची असेल तर असे प्रवेश भविष्यातही घडून आणायला लागतील त्यामुळे आमदारांच्या माध्यमातून अरुण सोमवंशी यांनी केलेली खेळी करेक्ट ठरल्याचेही गावातील राजकीय जाणकार बोलून दाखवत आहेत.

या प्रवेशात किरण किर्ते यांच्या सह निखिल जोगदंड, रोहित होके, प्रतीक जोगदंड, रोहित जोगदंड, भागवत जाधव, श्रेयस झोळ, धनराज पवार, निखिल वैरागी, ओंकार झोळ, ईश्वर चव्हाण, अभिजित गायकवाड, रवी बनसोडे, सुनील गावडे, सुरज घाडगे, रोहित सपकाळे,मंगेश खामकर, रोहित नगराळे, ज्ञानेश्वर पाटील, धनराज सोनावणे, राहुल बनसोडे, सुनील सकाटे, किरण गवळी आदींनीसह मोठ्या संख्येनी कार्यकर्त्यांनी राष्ट्रवादी काँग्रेस पक्षात जाहीर प्रवेश केला.