राजगुरूनगर | राष्ट्रवादी काँग्रेसचे अध्यक्ष शरद पवार यांच्या घरावर झालेल्या भ्याड हल्ल्याच्या निषेधार्थ आंदोलन संपन्न…!

खेड वार्ता:- एसटी कर्मचाऱ्यांनी काल जो शरद पवार यांच्या घरावर जो भ्याड हल्ला झाला त्यांच्या निषेधार्थ पुणे जिल्ह्यातील खेड तालुका राष्ट्रवादी काँग्रेसच्या माध्यमातून खेड पोलीस स्टेशनवर मोर्चा काढून पोलीस निरीक्षक यांना ज्यांनी भ्याड हल्ला केला त्यांच्यावर कडक अशी कारवाई व्हावी यासाठी निवेदन देऊन तीव्र निषेध नोंदवला.

यावेळी पक्षातील नेत्यांनी आक्रमक भाषणे करून शरद पवार यांच्या घरावर जो भ्याड हल्ला झाला त्याचा तीव्र निषेध नोंदवला. यावेळी कार्यकर्त्यांनी स्वपक्षाच्या गृह खात्यावरही तीव्र शब्दात ताशेरे ओढून गृह खात डॅशिंग नेत्याकडे द्यायला हवे. तसे डॅशिंग आपले आमदारही आहेत त्यांना जर असे गृहमंत्री पद दिले तर ते नक्कीच अशा प्रवृत्तीना ठेचून काढतील अशी आक्रमक भूमिका खेड राष्ट्रवादी काँग्रेसच्या नेत्यांनी घेतल्याने आंदोलनाला वेगळीच कलाटणी मिळाली.

यावेळी पुणे जिल्हा परिषदेच्या अध्यक्षा निर्मला पानसरे, माजी जिल्हा परिषद सदस्या सुरेखा मोहिते पाटील, राष्ट्रवादी काँग्रेसचे तालुका अध्यक्ष कैलास सांडभोर यांच्यासह पक्षाचे पदाधिकारी, कार्यकर्ते मोठ्या संख्येने उपस्थित होते.