नांदगाव खंडेश्वर आय टी आय मध्ये नवीन अभ्यासक्रम, सुरु करा – शिवसेनेची मागणी,संचालकाची आय टी आय ला सदिच्छा भेट

ब्युरो चीफ रवि मारोटकर

नांदगाव खंडेश्वर :- राज्याचे व्यवसाय शिक्षण व प्रशिक्षण विभागाचे संचालक डी ए दळवी यांनी शासकीय औद्योगिक प्रशिक्षण संस्था नांदगाव खंडेश्वर येथे प्रशासकीय कामाने भेट दिली याचे निमित्त्व साधून युवा सेनेचे प्रकाश मारोटकर यांनी नांदगाव येथील औद्योगिक प्रशिक्षण संस्थेमध्ये मुलींकरिता टेक्स्टाईल आधारित नवीन अभ्यासक्रम व निवासी वसतिगृह सुरु करण्याची मागणी संचालकांना केली.

शहरी व ग्रामीण भागातील तरुणांमध्ये कौशल्य निर्माण होऊन त्यांना हक्काचा रोजगार प्राप्त व्हावा याकरिता महाराष्ट्र राज्याच्या कौशल्य विकास व उद्योजकता विभागाच्या वतीने प्रयत्नाचा भाग म्हणुन राज्यातील औद्योगिक प्रशिक्षण संस्थेमध्ये सध्या सुरु असलेल्या अभ्यासक्रमाचा आढावा घेऊन त्यात फेरबदल करण्याचे काम सुरु आहे. राज्यात विविध भागामध्ये सुरु असलेल्या औद्योगिक वसाहतीमधील कारखानदारीस पूरक असे कुशल मनुष्यबळ तयार करता यावे याकरिता आवश्यकतेनुसार व मागणीनुसार अभ्यासक्रम तयार करण्याचे दृष्टीकोनातून व्यवसाय शिक्षण व प्रशिक्षण विभागाचे संचालक दळवी हे अधिनस्त विभागाचा आढावा घेण्यासाठी तीन दिवसाच्या प्रशासकीय दौऱ्यावर होते.

यानिमित्ताने नांदगाव खंडेश्वर शासकीय औद्योगिक प्रशिक्षण संस्थेमध्ये भेट दिली असता त्यांना वरील मागणीचे निवेदन युवा सेनेच्या वतीने देण्यात आले. संस्थेचे प्राचार्य दीपक गुरव यांनी संस्थेच्या वतीने संचालक डी. ए. दळवी, सहसंचालक डी. टी. देवतळे,यांचे शाल श्रीफळ देऊन स्वागत करण्यात केले.यावेळी डी. व्ही. ओ. सिडाम, सहायक संचालक येते, यांचेसह विभागातील इतरही संस्थांचे अधिकारी, संस्था कर्मचारी उपस्थित होते.