भाजप युवा मोर्च्या व किसान मोर्च्या यांच्या वतीने शिवणी रोड येथे रास्ता रोको आंदोलन

प्रतिनिधी फुलचंद भगत :-

वाशिम:-मंगरुळपिर तहसील अंतर्गत येणाऱ्या पोटी मंडळातील शेतकऱ्यांचे अतिवृष्टी मुळे मोठ्या प्रमाणांत नुकसान झालेले असून ही शासनाने जाहीर केलेल्या नुकसान भरपाईच्या यादीतून पोटी मंडळ वगळण्यात आले आहे. त्यामुळे येथील शेतकऱ्यांच्या मनामध्ये प्रचंड संतापाची लाट आहे.

मंडळ अधिकारी,तहसीलदार, एस डी ओ यांना वेळोवेळी निवेदन देऊनही त्यांनी या मंडळाचा समावेश नुकसानग्रस्त यादीत केला नाही. राज्याचे विरोधी पक्ष नेते मा.ना देवेंद्रजी फडणवीस यांनी सुद्धा या भागाचा दौरा केला आहे तरी सुद्धा या निगरग्गट्ट अधिकाऱ्यांनी व आंधळ्या सरकारने शेतकऱ्यांना वाऱ्यावर सोडले आहे असे दिसते म्हणून भाजप युवा मोर्च्या व किसान मोर्च्या यांच्या वतीने शेतकऱ्यांनी शिवणी रोड येथे रास्ता रोको आंदोलन केले आहे.

जर अजूनही पोटी मंडळ,धानोरा व आसेगाव मंडळाचा समावेश नुकसानग्रस्त शेतकऱ्यांच्या यादीत केला नाही तर येणाऱ्या काही दिवसात कलेक्टर ऑफिस वाशिम येथे शेतकऱ्यांचा बैलबंडी आक्रोश मोर्च्या काढण्यात येईल हा इशारा युवा मोर्चाच्या वतीने युवा मोर्च्या जिल्ह्या उपाध्यक्ष प्रा.हरिदास ठाकरे, यांनी दिला आहे.त्याप्रसंगी तालुका युवा मोर्च्या अध्यक्ष संदीप चव्हाण,किसान मोर्च्या प्रदेश सदस्य विनोद जाधव,भाजप तालुका अध्यक्ष रवींद्र ठाकरे,शहर अध्यक्ष श्याम खोडे, भाजपचे रवींद्र चव्हाण, भाजप प्रदेश सदस्य पुरुषोत्तम चितलांगे,भाजप तालुका सरचिटणीस अनिल गावंडे, तालुका सरचिटणीस राहुल आढाव,तालुका उपाध्यक्ष महादेव विश्वकर्मा, डॉ.अरविंद आडोळे,पं.समिती सदस्य अतुल गायकवाड,नंदू भुजाडे,मुकेश शिंदे,गजानन अवगण,पं.सदस्य विलास गायकवाड व समस्त शेतकरी बांधव व भारतीय जनता पर्टीचे पदाधिकारी व कार्यकर्ते उपस्थित होते.