प्रसिद्ध बांधकाम व्यावसायिक संजय बियाणी यांचा अखेर मृत्यू ; अज्ञातांनी केला होता गोळीबार

नांदेड वार्ता :- नांदेड शहरातील प्रसिद्ध बांधकाम व्यावसायिक संजय बियाणी यांच्यावर अज्ञात व्यक्तींनी गोळीबार केल्याची धक्कादायक घटना घडली आहे. शारदा नगर येथील त्यांच्या घराजवळ गोळीबार करण्यात आल्याची घटना आज दि.5 एप्रिल2022 रोजी सकाळी साडेअकरा वाजेच्या सुमारास घडली.हाती आलेल्या माहितीनुसार, संजय बियाणी हे आज सकाळी कामानिमित्त घराबाहेर पडत असताना अचानक दोन जण दुचाकीवर आले. दुचाकीवर आलेल्या अज्ञात व्यक्तीने ४ गोळ्या झाडल्या. यात संजय बियाणी गंभीर जखमी झाले होते.

या गोळीबारात व्यावसायिकाचा मृत्यू झाला आहे. प्रसिद्ध व्यावसायिक संजय बियाणी असं मृत व्यक्तीचे नाव आहे.

गोळीबारात आधी बियाणी गंभीर जखमी झाले होते. त्यांना तात्काळ रुग्णालयात दाखल करण्यात आलं. मात्र उपचारादरम्यान त्यांचा मृत्यू झाला. शहरातील शारदानगर येथील त्यांच्या घरासमोरच गोळीबार करण्यात आला. सुरुवातीला प्रसिद्ध बांधकाम व्यावसायिक संजय बियाणी हे गोळीबारात गंभीर जखमी झाले. दोन दुचाकीवर आलेले आरोपी त्यांच्या घराजवळ दबा धरून बसले होते. साडे अकराच्या सुमारास संजय बियाणी घरी आले. गाडीतून उतरताच त्यांच्यावर आरोपींनी गोळ्या झाडल्या. यात ते गंभीर जखमी झाले. त्यांना तात्काळ खाजगी रुग्णालयात उपचारासाठी दाखल करण्यात आलं. त्यांच्यावर खाजगी रुग्णालयात उपचार सुरू होते.

मात्र उपचारादरम्यान त्यांचा मृत्यू झाला आहे. या घटनेत त्याचा चालक देखील जखमी झाला. वरिष्ठ पोलीस अधिकारी घटनास्थळी दाखल झाले आहेत. पोलिसांनी या घटनेचा तपास सुरु केला असून आणि आरोपीचा शोध सुरू आहे. खंडणीसाठी किंवा व्यावसायिक स्पर्धेतून ही घटना घडल्याचा प्राथमिक अंदाज वर्तवण्यात आला आहे. त्याच दृष्टीने पोलिसांनी तपास सुरू केला आहे. शिवाय घटनास्थळ परिसरातील सीसीटीव्ही फुटेज पोलीसांकडून तपासले जात आहेत. विशेष म्हणजे तीन वर्षापूर्वी संजय बियाणी यांना कुख्यात गुंड रिंदा यांने खंडणीसाठी धमकी दिली होती. तेव्हा पासून संजय बियाणी यांना सुरक्षा देण्यात आली होती. तीन महिन्यांपूर्वीच संजय बियाणी यांच्यासह 15 जणांची सुरक्षा काढण्यात आली होती.