अमरावती | दोन महिन्यापासून जिल्हा परिषद शिक्षक पगारापासून वंचित

अमरावती – महेश बुंदे

अमरावती जिल्हा परिषद मधिल कार्यरत प्राथमिक शिक्षकांचे माहे फेब्रुवारी व मार्च या दोन महीण्याच्या वेतना पासुन वंचित आहे.वेतन तात्काळ करण्याची मागणी शिक्षक संघटना व शिक्षकांनी केली आहे. जिल्हा परिषद मध्ये कार्यरत साडेपाच हजार शिक्षकांचे वेतन न झाल्या मुळे शिक्षक आर्थिक अडचणीत आहे.वेतन विलंबाने होत असल्यामुळे शिक्षकांवर कर्जाच्या व्याजाचा भूर्दंड पडत असुन कर्जाचा डोंगर वाढत आहे.

शिक्षकांचे गृह कर्जाचे हप्ते व विम्याचे हप्ते थकले असुन दैनदिन व्यवहारात आर्थिक चणचण भासत आहे.सर्वात जास्त झळ एकल शिक्षकांना पोहचत आहे.एप्रिल महीण्याची ४तारीख येऊन सुध्दा गेल्या दोन महीण्याचे वेतन झाले नाही.संध्दा लग्नाचा सिझन सुरु आहे. शिक्षकांच्या मुला-मुलिंचे लग्न कार्य आहे.मुलांच्या नविन शाळा प्रवेश आहे.या करीता वेतन वेळेवर होणे आवश्यक आहे.

शिक्षण विभाग प्राथमिक यांनी वेतन तरतुद चुकवली होती म्हणुन फेब्रुवारी महीण्याच्या वेतना करीता सहा कोटि कमी पडले होते.ते आले असतांना सुध्दा वेतनास विलंब होत आहे.या वेतनास प्राथमिक शिक्षण विभाग,वित्त विभाग जि.प.अमरावती आणि ट्रेझरी ऑफिस जबाबदार आहे. वारंवार शिक्षक संघटना आणि शिक्षक वेतना करीता जिल्हा परिषद कार्यालयाचे उंबठे झिजवत आहे.शिक्षकांना पाच तारखेला वेतन मिळावे अशी मागणी वेळोवेळी शिक्षक संघटना यांनी केली होती.याकरीता आंदोलन सुध्दा केली होती पण जिल्हा प्रशासनाने शिक्षका बद्दल वेळकाढू धोरण अवलंबिले आहे.

शिक्षकांना माहे जानेवारी व फेब्रुवारी महीण्यात आयकराचा हप्ता भरावा लागतो त्यामुळे वेतन कमी मिळते त्यातही वेतनास विलंब होत आहे.दोन्ही महीण्याचे वेतन तात्काळ करण्याची मागणी शिक्षक संघटना व शिक्षकांनी केली आहे.वेतन तात्काळ न झाल्यास तिव्र आदोंलनाचा इशारा शिक्षक संघटनांनी दिला आहे.