दर्यापूर | संत तुकाराम पाणपोईचा शुभारंभ…

दर्यापूर – महेश बुंदे

गुढीपाडवा व नववर्षाचे औचित्य साधून संत तुकाराम ट्रेडर्सचे संचालक प्रभाकर पाटील तराळ व त्यांचे बंधू अमोल पाटील तराळ यांच्या संकल्पनेतून दर्यापूर अकोट रोडवर असलेल्या कृषी केंद्रासमोर पाणपोईचा शुभारंभ करण्यात आला. दरवर्षी उन्हाळ्याची चाहूल लागताच पाण्याची आवश्यकता भासत असल्याचे पाहून पिण्याच्या पाण्याची व्यवस्था तराळ मित्र परिवार करत असते. यावर्षी मार्च महिन्यात उन्हाचे चटके लागू लागल्याने ग्रामस्थ नागरिक तहानेने व्याकूळ होत असतात अशा वेळेस दर्यापूर येथील अकोट रोडवरील असलेल्या कृषी उत्पन्न बाजार समिती परिसरात शुद्ध पाण्याची पाणपोई लावण्यात आली. अनेकजण थंड पाणी पिऊन आपली तहान भागवित आहेत त्यामुळे परिसरातून या उपक्रमाचे कौतुक केले जात आहे.

पाणपोई उद्घाटन प्रसंगी अमरावती जिल्हा मध्यवर्ती सहकारी बँकेचे अध्यक्ष सुधाकर पाटील भारसाकळे, अमरावती जिल्हा परिषदेचे आरोग्य व वित्त सभापती बाळासाहेब हिंगणीकर, जिल्हा काँग्रेस कमिटीचे सचिव एडवोकेट अभिजीत देवके, ईश्वर बुंदेले, गाडगेबाबा मिशनचे संचालक गजानन देशमुख, अल्पसंख्यांक सेलचे अध्यक्ष रफिक, कृषी उत्पन्न बाजार समितीचे माजी संचालक प्रभाकर पाटील तराळ, अमोल पाटील तराळ, गुणवंत पाटील हिंगणीकर, डॉ. दिलीप खंडारे, मंगेश खंडारे, माजी नगरसेवक प्रमोद इंगळे, अकोला अर्बन बँकेचे वानखडे, किशोर गीते, संजू चव्हाण, अंकुश भारसाकळे, गणेश बिजवे, बंडू अडबोल, पत्रकार महेश बुंदे, मनोज देशमुख, क्रीडाशिक्षक संतोष मिसाळ आदी मान्यवर उपस्थित होते.