पेट्रोल-डिझेल-गॅस सिलेंडर दरवाढीच्या निषेधार्थ प्रहारचा बैलबंडी मोर्चा; दर्यापूर तहसीलदार यांना दिले निवेदन

दर्यापूर – महेश बुंदे

केंद्र सरकारच्या वतीने दिवसेंदिवस पेट्रोल डिझेल गॅस सिलेंडरची दरवाढ झपाट्याने वाढत आहे त्यामुळे सर्वसामान्य नागरिक यांचे मोठ्या प्रमाणात हाल होत आहे. एकीकडे दोन वर्षांपासून लॉक डाऊन मुळे सर्वसामान्य नागरिकांच्या हाताशी काम उरली नाही तर दुसरीकडे अशा प्रकारे भाव वाढ सुरू असल्याने सामान्य नागरिकांना आपला जीव देण्याची वेळ आलेली आहे .

परंतु केंद्र सरकार याकडे दुर्लक्ष करून भाववाढ करून सामान्य नागरिकांचा जीव घेत आहे. त्यामुळे केंद्र सरकारच्या पेट्रोल डिझेल गॅस सिलेंडर दरवाढीच्या निषेधार्थ आज दर्यापूर प्रहार युवा तालुकाप्रमुख विक्की उर्फ किरण होले यांच्या नेतृत्वात बैलबंडी मोर्चा आयोजन करण्यात आले. बस स्थानक चौक ते तहसील कार्यालयापर्यंत हा मोर्चा काढण्यात आला यामध्ये बैलबंडी मध्ये मोटरसायकल व सिलेंडर ठेवून केंद्र सरकारचा निषेध व्यक्त करतात.

यावेळी दर्यापूर तहसीलदार यांना मागणीचे निवेदन देण्यात आले. यावेळी प्रहार जनशक्ती पक्षाचे जिल्हा संपर्कप्रमुख प्रदिप वडतकर , तालुकाप्रमुख डॉक्टर दिनेश म्हाला, शेतकरी उपजिल्हा प्रमुख महेश कुरडकर ,दर्यापूर विधानसभा प्रमुख प्रदीप चौधरी, युवा प्रहार तालुकाप्रमुख विक्की उर्फ किरण होले, सुनील पुरी,सुधीर पावित्रकर,उपतालुका प्रमुख आकाश घताळे, चेतन बोरेकर, अनुप गावंडे, वैभव कावरे,तेजस गणेशपुरे, आशिष गोळे,हिरालाल इंगळे, सुनील गवई,सुरेश पाथर्डे, वसंत पाटील, लता गावंडे, मेघा ताई कोल्हे, अर्चना भटकर ,अर्चना उघडे,पदाधिकारी मोठ्या संख्येने उपस्थित होते.