अन ‘त्या’ मुख्याध्यापकाच्या सेवापूर्ती सत्काराला उसळली गर्दी, रामागड वासीयांनी केला रमेश जऊळकार यांचा भव्य सेवापूर्ती सत्कार समारंभ

दर्यापूर – महेश बुंदे

दर्यापूर पंचायत समिती अंतर्गत येणाऱ्या जिल्हा परिषद प्राथमिक शाळा रामगड येथे मुख्याध्यापक पदावर कार्यरत असणारे तालुक्यातील तोंगलाबाद येथील रहिवासी श्री रमेशराव जगदेवराव जऊळकार हे आज दि.31 मार्च रोजी वयानुसार सेवानिवृत्त झाले.

त्याना निरोप देण्यासाठी रामागड येथील ग्रामपंचायत कार्यालय व शाळा व्यवस्थापन समिती आणि गावकरी मंडळींच्या वतीने आयोजित सेवापूर्ती सत्कार सोहळ्याला गावातील नागरिक,विद्यार्थी व पालक यांची मोठ्या संख्येने असणारी उपस्थिती श्री रामेशराव जऊळकार यांच्या कार्याची पावती देऊन गेली.

या कार्यक्रमाला अध्यक्ष म्हणून जिल्हा परिषद शाळा व्यवस्थापन समितीचे अध्यक्ष विनोद लोणकर उपस्थित होते तर प्रमुख पाहुणे म्हणून दर्यापूर पंचायत समिती गटविकास अधिकारी बाळासाहेब रायबोले,शिक्षण विस्तार अधिकारी वीरेंद्र तराळ,शिक्षण विस्तार अधिकारी प्रकाशराव राक्षसकर,जिल्हा परिषद लेखाधिकारी मोहन आगळे,सेवानिवृत्त केंद्र प्रमुख हिरालाल मकेश्वर,केंद्रप्रमुख पद्माकर खाडे,जिल्हा शिक्षक बँक संचालक मधुकर चव्हाण, अंगणवाडी पर्यवेक्षिका सुनीता राऊत,आदर्श शिक्षक पुरस्कार प्राप्त ज्ञानेश्वर सांगळे,किशोर बुरघाटे,सेवानिवृत्त मुख्याध्यापक दीपक पटेल,शिक्षक नेते तुळशीदास धांडे,संजय नागे, सत्कारमूर्ती श्री रमेशराव जऊळकार,सौ.सीमाताई जऊळकार,ग्रामपंचायत सरपंच सौ.सोळंके,उपसरपंच गणेशराव लाजूरकर,माजी शाळा व्यवस्थापन समिती अध्यक्ष रविशंकर लाजूरकर,ग्रामसेवक राहुल कीतुकले,जेष्ठ नागरिक विजयराव लाजूरकर आदी मान्यवर यावेळी उपस्थित होते.
कार्यक्रमाची सुरवात क्रांतीज्योती सावित्रीबाई फुले यांच्या प्रतिमेचे पूजन करून व शिक्षिका लता गणवीर व तेजस्विनी अटाळकर यांच्या स्वागत गीताने झाली.
याप्रसंगी सेवापूर्ती सोहळ्याचे सत्कारमूर्ती श्री रमेशराव जऊळकार व त्याच्या पत्नी सौ. सीमाताई जऊळकार यांचा ग्रामपंचायत कार्यालय,जिल्हा परिषद शाळा,शाळा व्यवस्थापन समिती,पंचायत समिती मधील रामतीर्थ व सामदा केंद्रातील सर्व शिक्षक-शिक्षिका सहकारी, तालुक्यातील शिक्षक संघटना पदाधिकारी,मित्रपरिवार, तोंगलाबाद गावकरी,नातेवाईक,अंगणवाडी सेविका व रामागड गावकरी मंडळी यांच्या वतीने त्याचा शाल,श्रीफळ, भेटवस्तू देऊन यथोचित सत्कार करण्यात आले. यावेळी अनेक मान्यवर यांनी आपले मनोगत व्यक्त केले.
या कार्यक्रमाचे प्रास्ताविक केंद्रप्रमुख पद्माकर खाडे यांनी केले तर संचलन शिक्षिका स्वप्नाली खर्चान आणि आभार प्रदर्शन नंदकिशोर रायबोले यांनी केले.
कार्यक्रम यशस्वी करण्यासाठी जिल्हा परिषद शाळेचे शिक्षक संजय जाणवारे,ग्रामपंचायत कार्यालय,शाळा व्यवस्थापन समितीचे अध्यक्ष विनोद लोणकर किशोर सोळंके,संतोष चव्हाण,मोहन लाजुरकर, गोपाल लोणकर, महेंद्र रामागडे, प्रमोद लोणकर, विठ्ठल लाजूरकर,जिवन लाजूरकर व समस्त गावकरी मंडळी आणि विद्यार्थी यांनी परिश्रम घेतले.