दर्यापूर – महेश बुंदे
जम्मू येथे दि. २५ ते २७ मार्च रोजी सिनिअर राष्ट्रीय धनुर्विद्या स्पर्धा आयोजित करण्यात आल्या होत्या. यामध्ये महाराष्ट्र संघात मानव जाधव याची निवड झाली होती. राष्ट्रीय स्पर्धेमध्ये जम्मू, मध्यप्रदेश, राजस्थान, दिल्ली संघाचा पराभव करत त्याने सुवर्ण पदक प्राप्त केले. तो या स्पर्धेतील सर्वात लहान खेळाडू होता.दि. ६ ते ९ एप्रिल या कालावधीत झारखंड येथे होणाऱ्या स्पर्धेकरिता सुद्धा निवड झाली आहे. तो बुलढाणा येथील शिवबा आर्चरी अकॅडमीमध्ये चंद्रकांत इलग यांच्या मार्गदर्शनाखाली सराव करतो. तो शरदा कॉन्व्हेंटचा विद्यार्थी आहे. मानव आपल्या यशाचे श्रेय आई-वडील, प्रशिक्षक, महाराष्ट्र आर्चरी संघटनेचे सचिव प्रमोद चांदुरकर, अध्यक्ष प्रशांत देशपांडे, सदानंद जाधव व मित्र परिवार यांना देते.
