शिवयोद्धा प्रतिष्ठाणतर्फे शिवजयंती उत्साहात साजरी

प्रतिनिधी आर एन माळी

शिवयोद्धा प्रतिष्ठाण, रुपीनगर यांनी सालाबादप्रमाणे याहीवर्षी आदर्श अशी शिवजयंती साजरी केली. नेहमीप्रमाणे डॉल्बी-डीजे यांना फाटा देऊन पहाटेच्या मंगलमय वातावरणात पारंपरिक पद्धतीने शिवरायांची पालखी मिरवणूक रुपीनगर मध्ये काढण्यात आली. तत्पूर्वी प्रतिष्ठाणच्या कार्यकर्त्यांनी किल्ले शिवनेरीवरून शिवज्योत आणली. ढोलताशांच्या गजरात निघालेल्या मिरवणुकीत युवक व महिलांचा सहभाग लक्षणीय होता.

संध्याकाळी सांस्कृतिक कार्यक्रमाचे आयोजन करण्यात आले होते. महाराष्ट्राची लोककला असलेले भारुड सादर करण्यात आले. राष्ट्रीय भारुडकार हमीद अमीन सय्यद यांनी शिवचरणी भारुडसेवा सादर केली. लोप पावत चाललेली भारुड कला पाहून उपस्थित प्रेक्षक आणि शिवभक्त यांनी कार्यक्रमाला दाद दिली.
प्रतिष्ठाण चे अध्यक्ष श्री. अमोल तुकाराम भालेकर यांच्या मार्गदर्शनाखाली दरवर्षी अशाच प्रकारे एक आदर्श शिवजयंती सोहळा साजरा करण्यात येतो. “छत्रपती शिवरायांचे आपल्यावर अनंत उपकार आहेत. त्यांचा जन्मोत्सव साजरा करण्याचे भाग्य आपल्याला लाभले आहे. या कार्यक्रमातून शिवरायांचे विचार व इतिहास यांचा समाजामध्ये प्रसार व्हावा हा आमचा प्रामाणिक प्रयत्न असतो. ” असे अध्यक्ष अमोल तुकाराम भालेकर यांनी नमूद केल.

भोसरी विधानसभा प्रथम आमदार विलासशेठ लांडे पाटील प्रसंगी राष्ट्रवादी कॉ.शहराध्यक्ष अजितभाऊ गव्हाणे,दत्तात्रयजी गवारे महाराज,शांत‍ारामजी दगडु भालेकर,वसंत पतंगे सर, धनाजीशेठ भालेकर,मा.नगरसेवक प्रविणशेठ भालेकर,पंकजशेठ भालेकर,पोर्णिमाताई सोनवणे,संगितानानी ताम्हाणे,आशाताई भालेकर,सुजातामामी काटे,ह.भ.प.संगिताताई भालेकर,शितलताई पवार,तानाजीशेठ काळभोर,शांतारामजी कोंडिबा भालेकर,सुरेशतात्या म्हेत्रे,शरदतात्या भालेकर,विशालभाऊ मानकरी,सागरशेठ चव्हाण,दादा नरळे,किरणशेठ पाटील,विलासतात्या भालेकर,अरुणजी वाळुंजकर,अनिलशेठ भालेकर,रामदासजी कुटे,प्रमोदशेठ भालेकर,दिपकशेठ जाधव,बंटीशेठ सगळे,सतिष कंठाळे,रघुनंदनजी घुले,निलेश आण्णा भालेकर,गोवर्धन चौधरीसर,गौतम दळवीसर,शिंदे सर,गारगोटे सर,रामभाऊ भालेकर,भाऊसाहेब काळोखे,दौलत कुटे,तुकाराम भालेकर,विकास भालेकर,सुखदेव म्हस्के,अरुणजी थोपटे,आयाज शेख,के.डी.वाघमारे ,अनिलजी भोसले,बाप्पुसाहेब गौंड,प्रभाकर पाटील आदी मान्यवर उपस्थित होते.कार्यक्रमाचे आयोजन शिवयोद्धा प्रतिष्ठ‍ाणचे सर्व कार्यकर्त्यांनी केले.सुत्रसंचालन शिवव्याख्याते शुभमजी खेडेकर यांनी केले.