नगरपरिषद दर्यापूर तर्फ शहरात स्वच्छता रॅलीचे आयोजन

दर्यापूर – महेश बुंदे

नगरपरिषद तर्फे माझी वसुंधरा अभियान टू पॉईंट झिरो स्वातंत्र्याचा अमृतमहोत्सव स्वच्छ सर्वेक्षण २०२२ व जागतिक महिला दिन निमित्त विविध कार्यक्रमाचे आयोजन करण्यात आले आहे त्यामध्ये २८ फेब्रुवारीला नगरपरिषदेच्या एकूण १२ प्राथमिक शाळा व एक उर्दू महाविद्यालय तसेच प्रभागातील नागरिकांनी मोठ्या प्रमाणात सहभाग दर्शवून प्रभागात स्वच्छता मोहीम राबविली त्याचबरोबर स्वच्छता फेरी काढून स्वच्छ व सुंदर शहराचा संदेश विद्यार्थ्यांच्या वतीने देण्यात आला.

शाळेतील विद्यार्थ्यांनी विविध वेशभूषा धारण करत प्रभागातील नागरिकांना स्वच्छतेसाठी प्रेरीत केले. या मोहिमेकरिता नगर परिषदेच्या संबंधित शाळांच्या मुख्याध्यापकांनी परिश्रम घेतले. कार्यक्रमाला मुख्य अधिकारी तथा प्रशासक पराग वानखडे यांनी सुद्धा रॅली मध्ये आपला सहभाग नोंदवून प्रत्यक्ष भेटी दिल्या तसेच मोहिमेमध्ये सहभागी झालेल्या विद्यार्थ्यांना मार्गदर्शन केले त्याचबरोबर विद्यार्थ्यांचा उत्साह वाढवत स्वच्छता मोहीम यशस्वी पार पाडली.