चाकण वार्ता :- संतोष पांडुरंग चव्हाण आणि त्याचा साथीदार शैलेश नरहरी जाधव या एच आर अधिकाऱ्याने बनावट ई-मेल आयडी बनवून एका प्रतिष्ठित कंपनीतील एच आर अधिकारी व त्यांच्याशी संबंधित असणाऱ्या व्हायब्रंट एच आर , पुणे या संघटनेची बदनामी केल्या प्रकरणी दोन इसम महाळुंगे पोलिसांकडून अटक
मिळालेल्या माहितीनुसार फिर्यादी हे चाकण येथेच एका नामांकित कंपनीमध्ये एच आर विभाग प्रमुख म्हणून कामास असून संतोष चव्हाण सध्या तो चाकण येथील लियर या कंपनीत एच आर विभागात कामास आहे. संतोष हा पूर्वी फिर्यादीच्या कंपनीत एच आर विभागात कामाला होता, सदर कंपनीचे एच आर विभाग प्रमुख सोडून गेल्यामुळे रिक्त झालेले पद व्यस्थापनाने फिर्यादीला देण्यात आले आणि हे संतोष चव्हाण याला कळताच आठ महिन्यापूर्वी एक बनावट ई-मेल आयडी बनवून त्याद्वारे फिर्यादी, त्याचे विभागातील दोन सहकारी आणि त्याचे संबंधित असलेल्या व्हायब्रण्ट एच आर पुणे या संघटने विषयी बदनामीकारक आणि खोटी माहिती कंपनीतील व्यवस्थापनास अनेक वेळा मेल द्वारे पाठवून दिली.
सदर घटनेचे गांभीर्य लक्षात घेऊन फिर्यादी यांनी दिलेल्या तक्रारीवरून आयपीसी कलम ५००, ५०९ आणि आय टी ऍक्ट कलम ६७ नुसार गुन्हा नोंदविणेत आला असून सदर प्रकरणाच्या चौकशीत बनावट ई-मेल आयडी बनविण्यासाठी संतोष चव्हाण यांचा लॅपटॉप वापरला गेल्याचे निष्पन्न झाले असून सदर लॅपटॉप जप्त केला आहे.
सदर प्रकरण न्यायप्रविष्ठ असून, सदर गुन्ह्याचा तपास महाळुंगे पोलीस स्टेशनचे वरिष्ठ पोलीस निरीक्षक श्री. अरविंद पवार यांचे मार्गदर्शनाखाली स.पोनि गुळीग हे करित आहे.
एमआयडीसी परिसरात अशाप्रकारे कोणी बनावट ई-मेल द्वारे कुठल्या कंपनीची अथवा कंपनी प्रतिनिधींची बदनामी करत असल्यास विशेषता करून महिलांची बदनामी करत असल्यास तात्काळ महाळुंगे पोलीस चौकीशी संपर्क करून तक्रार करणे बाबत आव्हान करण्यात आले आहे.