शेलुबाजार परिसरात स्वच्छता मोहिम राबवुन महिलांनी केले गाडगेबाबांना अभिवादन

प्रतिनिधी फुलचंद भगत

वाशिम:-मंगरूळपीर तालुक्यातील शेलुबाजार येथील जि.प.सदस्या सौ.नंदाताई डोफेकर यांच्या मार्गदर्शनात महिलांनी परिसराची साफसफाई करुन संत गाडगेबाबांना अभिवादन करुन जयंती साजरी केली. शाळेचे दार न पाहलेले संत गाडगे महाराज हे चालतेबोलते विद्यापिठ होते.त्यांनी आपल्या प्रबोधनपर किर्तनातुन लोकांच्या मनातली घाण तर दुर केलीच परंतु परिसरातही साफसफाई करुन लोकांना स्वच्छतेविषयी महत्व आपल्या कार्यातुन गाडगेबाबा लोकांना पटवुन द्यायचे.

याच महान संताची जयंती शेलुबाजार येथील महिलामंडळांनी परिसरातील साफसफाई मोहिम राबवुन केली.प्रथमतः गाडगेबाबांच्या प्रतिमेचे पुजन आणी हारार्पन मान्यवरांच्या हस्ते करुन गाडगेबाबांना अभिवादन केले.समाजातील अंधश्रध्दा,वाइट प्रवृत्तीचा नायनाट करण्यासाठी पोराबाळांना शिकवा,महापुरुषांचे विचार अंगिकारून आपला विकास साधा जनमानसातल्या मनातली घाण आणी परिसरातली घाण याचा नायनाट करण्याची मोहिम नेहमी राबवणे गरजेचे असल्याचे मत यावेळी जि.प.सदस्या नंदाताई डोफेकर यांनी आपल्या भाषणातुन व्यक्त केले.साईसंस्थानच्या आणी सामाजिक कार्यात अग्रेसर असणार्‍या सर्व महिलांनी एकञ येवुन स्वच्छता मोहीम राबवली.

यावेळी चंदा डोफेकर,शालीनी बारड,प्रिया इंगळे,स्वाती इंगळे,कोमल मोरे,सोनल इंगळे,स्मिता डोफेकर,शुभांगी डोफेकर,पुजा लोखंडे,प्रिया राऊत,मालता मनवर,वैशाली बाबुळकर,जया ऊजवने,संगिता बोरकर,मनिषा काटकर,गुड्डु डोफेकर,पुष्पा बन्सोड आदीसह बहूसंख्य महिला आणी गावकर्‍यांचीही ऊपस्थीती होती.