शिवजयंती निमित्त शिवप्रेमी प्रतिष्ठान कोकर्डा पंचक्रोशी मधील युवकांचे रक्तदान शिबिर आयोजित.

शिवप्रेमी युवकांनी केले वेगवेगळ्या प्रकारे अभिवादन

दर्यापूर – महेश बुंदे

सर्व महाराष्ट्रात शिवजयंतीचा उत्साह मोठ्या प्रमाणात पाहायला मिळाला. छत्रपती शिवाजी महाराज की जय, जय भवानी जय शिवाजी अशा घोषणामय वातावरणात अख्या महाराष्ट्र दुमदुमुन निघाला यातच शिवप्रेमी प्रतिष्ठान कोकर्डा पंचक्रोशी मधील युवकांनी रक्तदान शिबिराचे आयोजन करून छत्रपती शिवाजी महाराज यांना मानाचा मुजरा करून शिवजयंती साजरी केली.

या शिबिरास चांगल्या प्रमाणात युवकांनी तसेच शिवप्रेमींनी रक्तदान करून सहभाग नोंदवला. या शिबिरासाठी कोकर्डावासीयांनी सहकार्य केले. निश्चितच त्यांच्या या कृतीतून छत्रपती शिवाजी महाराज यांच्याबद्दलची निष्ठा आणि प्रेम व्यक्त होत आहे.