श्री छत्रपती शिवाजी महाराज यांची जयंती दर्यापूर भाजपा जनसंपर्क कार्यालयात उत्साहात साजरी

दर्यापूर – महेश बुंदे

छत्रपती शिवाजी महाराज यांच्या जयंतीनिमित्त १९ फेब्रुवारी रोजी दर्यापूर शहरातील एस.टी. डेपो चौक मधील गनोरकर कॉम्प्लेक्स मध्ये नव्याने स्थापीत झालेले भारतीय जनता पार्टी जनसंपर्क कार्यालयात छत्रपती शिवाजी महाराज यांच्या प्रतिमेचे पूजन करून पुष्पहार अर्पण करीत अभिवादनाचे कार्यक्रम घेण्यात आला.

यामध्ये भाजपाचे तालुका अध्यक्ष माणिकराव मानकर, शहराध्यक्ष नानाराव माहोरे, माजी तालुका अध्यक्ष विजयराव मेंढे, माजी शहर अध्यक्ष अनिलराव कुंडलवाल, मनोज नावडकर, रोशन कट्यारमल, विनोद थेटे, विजय लाजुरकर, प्रशांत काळे, दीपक सोनोने, संजय कांबे आदी मान्यवरांच्या हस्ते छत्रपती शिवाजी महाराजांच्या फोटोचे पूजन करून पुष्पहार अर्पण करीत जय घोषाच्या घोषणा देत शिवजयंती साजरी करण्यात आली. हा कार्यक्रम यशस्वी करण्यासाठी भाजपाचे पदाधिकारी, कार्यकर्ते आदींनी परिश्रम घेतले.