दर्यापूर | लग्न समारंभातून अज्ञात चोरट्यांनी लंपास केले वधूचे ४ लाख ५० हजारांचे दागिने !

दर्यापूर – महेश बुंदे

शहरातील बनोसा भागातील माहेश्वरी भवनातील लग्न सोहळ्यातून वधूचे १० तोळे सोन्याचे दागिने चोरी झाल्याची खळबळजनक घटना (दि.१६ बुधवारी) दुपार उघडकीस आली आहे. स्थानिक गांधी नगर येथील रहिवासी अरुण वालसींगे यांच्या मुलीचा विवाह माहेश्वरी भवन येथे बुधवारी आयोजित होता.

लग्नात पाहुण्यांची रेलचेल सुरू असताना भवनातील एका खोलीत वधूचे दागिने असलेली बॅग नातेवाईकांच्या देखरेखीत ठेवलेली होती. त्यात सहकारी महिलेने दागिण्याची बॅग घेऊन दोघेही पसार झालेत. घटनेत मंगळसूत्र, बांगड्या, नेकलेस, तोरड्या, गोफ, जोडवे, असा एकूण ४ लाख ५० हजाराचा ऐवज चोरट्यांनी लंपास केला. या प्रकरणी वधुशी मावशी वरच्या हरणे यांनी दर्यापूर पोलिसात तक्रार दाखल केली असून मंगल कार्यालयातील सीसीटीव्ही फुटेजच्या माध्यमातून चोरीचा शोध सुरू आहे. पुढील तपास दर्यापूर पोलीस करीत आहे.