आजोबाच्या द्वितीय पुण्यस्मरण दिनी मुख्यममंत्री साहायत निधीस मदत ; महिला व बालविकास अधिकारी कु.प्रियंका गवळी यांचा सामाजिक उपक्रम

प्रतिनिधी फुलचंद भगत

वाशिम:- वाशिम जिल्ह्यात गेली दोन वर्षांपासून महिला व बालविकास अधिकारी म्हणुन आपली सेवा देत  अनेक सामाजिक व कर्तव्यनिष्ठ कार्यात अग्रेसर असणाऱ्या महिला अधिकारी कु.प्रियंका गवळी यांचे आजोबा कै. भाऊसाहेब बाबुराव गवळी यांच्या द्वितीय पुण्यतिथीचा कार्यक्रम कोरोनाच्या पार्श्वभूमीवर घरगुती स्वरूपात करून गेल्या वर्षीही प्रथम पुण्यस्मरण दिन कोरोनाच्या पार्श्‍वभूमीवर घरगुती  स्वरूपात करून 25 हजार रुपये मुख्यमंत्री सहायता निधीस दिले होते.

तीच परंपरा याही वर्षी कायम राखत यावर्षी देखील आपल्या आजोबांचे द्वितीय पुण्यस्मरण कार्यक्रम अगदी साध्या पद्धतीने करून याही वर्षी दहा हजार रुपये निधी वाशिम जिल्हाधिकारी यांचे कडे संपुर्द करून मुख्यमंत्री सहाय्यता निधीस प्रदान करून सामाजिक बांधिलकी जोपासत आजोबांचे पुण्यस्मरण कार्य पूर्ण करून त्यांना आदरांजली वाहली.असे कार्य आपल्या कर्तव्याला प्रथम प्राधान्य देऊन ते अविरत सामाजिक तथा विविध कार्य कु.प्रियंका गवळी करीत असतात. त्याच्या या सामाजिक उपक्रमाचा सर्वांनी आदर्श घ्यावा असे कार्य ते करीत असतात.त्यांच्या या कार्यांचे सर्वत्र कौतुक होत आहे.