प्रशिक्षणाच्या माध्यमातून महीला स्वयंरोजगारासाठी सक्षम होणार ; नेहरू युवा केंद्र वाशिम तर्फे मुंगळा येथे शिलाई मशिन प्रशिक्षण

प्रतिनिधी फुलचंद भगत

वाशिम:-नेहरू युवा केंद्र वाशिमच्यावतीने मालेगाव तालुक्यातील ग्राम मुंगळा येथील नेहरू युवा बहुउद्देशीय मंडळ यांच्या सहकार्याने आयोजित शिलाई मशिन प्रशिक्षणाला नेहरू युवा केंद्राचे मालेगाव तालुका राष्ट्रीय युवाकोर सोनल रोकडे, अशांत कोकाटे यांनी भेट देऊन प्रशिक्षणार्थीं महिलांना मार्गदर्शन केले.

महिलांना स्वयंरोजगार उपलब्ध करून देण्याच्या दृष्टिकोनातून मुंगळा ग्रामपंचायतचे नंदकिशोर प्रभाकर वनस्कर यांच्या पुढाकारातून सदर शिलाई मशिन प्रशिक्षणाचे आयोजन मुंगळा येथे करण्यात आले आहे. सदर प्रशिक्षण हे १ डिसेंबर ते २८ फेब्रुवारी असे तीन महिने महिलांना प्रशिक्षण देण्यात येत आहे.

या मध्ये जवळपास ३५ महिलांना या प्रशिक्षणाचा लाभ मिळणार असून, आता त्या स्वयंरोजगारासाठी सक्षम होणार असल्याचा दावा आयोजक नंदकिशोर वनस्कर यांनी केला. नेहरू युवा केंद्राचे राष्ट्रीय युवाकोर यांनी आयोजित प्रशिक्षण कार्यक्रमाला भेट देऊन समाधान व्यक्त केले. यावेळी प्रशिक्षक संध्याताई डोईफोडे, अस्मिता वनस्कर व प्रशिक्षणार्थींची उपस्थिती होती.