आमदार बळवंत वानखडे यांची म.जि.प्रा. च्या आढावा बैठकीत निर्देश ;उन्हाळ्यापूर्वी पाणी पुरवठा योजनेचे कामे पूर्ण करून सुरळीत पाणीपुरवठा सुरू करा

प्रतिनिधी महेश बुंदे.

दर्यापूर मतदारसंघातील प्रलंबित पाणीपुरवठाच्या समस्यांच्या अनुषंघाणे दि. ४ फेब्रुवारी २०२२ ला दर्यापूर विधानसभा मतदारसंघाचे आमदार बळवंत वानखडे यांच्या अध्यक्षतेखाली महाराष्ट्र जिवन प्राधिकरणाच्या मुख्य कार्यालयात आढावा बैठक पार पडली. सदर बैठकीत १५६ गावे २ शहरे प्रादेशिक पाणीपुरवठा योजना, ७९ गावे वाढीव पाणीपुरवठा योजना, १०५ गावे प्रादेशिक पाणीपुरवठा तसेच महाराष्ट्र नगरोथान, योजने अंतर्गत सुरू असलेल्या कामाचा आढावा घेण्यात आला.

७९ गावे वाढीव पाणीपुरवठा योजनेअंतर्गत प्रलंबित असलेले पाईपलाईन, पाण्याच्या टाक्यांची कामे, जलशुद्धीकरण केंद्राचे अपूर्ण काम, व इतर अपूर्ण असलेले कामे मार्च २०२२ पर्यंत पूर्ण करण्याचे निर्देश आमदार बळवंत वानखडे यांनी म जी प्रा च्या अधिकाऱ्यांना दिले. आगामी उन्हाळ्यात मतदारसंघात कुत्रीम पाणीटंचाई निर्माण होणार नाही या दृष्टीने नियोजन करण्याचे आदेश यावेळी बैठकीत दिले. तसेच २००७ च्या पुराने बाधित पुनर्वसनातील बाधित नालावाडा , बाभळी, या गावातील पाणीपुरवठयाचे कामे तातडीने पूर्ण करण्याचे निर्देश दिले. सदर बैठकीत म जी प्रा चे मुख्य अभियंता गव्हाणकर, अधीक्षक अभियंता सोळंके, उपविभागीय अभियंता शेंडे, देशमुख व संबंधित योजनेतील कंत्राटदार उपस्थित होते.