कोरोना प्रतिबंधात्मक बूस्टर डोसची दर्यापूरात सुरुवात ; प्रशासकीय अधिकाऱ्यांसह आरोग्य कर्मचाऱ्यांनी घेतला बूस्टर डोस

दर्यापूर – महेश बुंदे

उपजिल्हा रुग्णालय दर्यापूर येथे कोरोना प्रतिबंधक लसीकरणाचा बूस्टर डोस सोमवार दि. १० जानेवारी पासून सुरुवात करण्यात आली. सध्या कोरोना रुग्णांची संख्या झपाट्याने वाढत असून तसेच ओमिक्रॉनचे रुग्ण आढळून येत आहेत. त्यामुळे शासनाने नागरिकांच्या लसीकरणावर भर दिला आहे. ६० वर्षावरील ज्या नागरिकांनी या अगोदर लसीचे दोन डोस घेऊन नऊ महिने पूर्ण झाले आहेत अशा नागरिकांना बुस्टर डोस देण्याचा निर्णय घेतला आहे.

आपले पूर्ण कुटूंब लसीकरण करून घेण्याचे आवाहान तालुका आरोग्य अधिकारी डॉ. राजेंद्र रहाटे, वैद्यकीय अधिकारी डॉ. संतोष डाबेराव यांनी केले आहे. ही बाब लक्षात घेऊन तहसीलदार डॉ. योगेश देशमुख, डॉ. बदूकले, विलास देशमुख कुष्ठरोग तंत्रज्ञ, लॅब टेक्निशियन सपना ठाकूर यांच्यासह आरोग्य अधिकारी, कर्मचाऱ्यांना बुस्टर डोस देण्यात आला.