दर्यापूर मधील ईटकी फाट्याजवळ भीषण अपघात ; एक जण ठार तर चार गंभीर जखमी

दर्यापूर – महेश बुंदे

दर्यापूर ते अंजनगाव रोडवर असलेल्या ईटकी फाट्याजवळ चार चाकीचा टायर फुटल्याने भीषण अपघात झाला असून यात दुचाकी व चारचाकी मधील चार जण गंभीर जखमी झाले असून एक जण ठार झाल्याची घटना घडली आहे. सविस्तर वृत्त असे की आज दिनांक ४ फेब्रुवारी ला सायंकाळी चार वाजून पसतीस मिनिटांनी दर्यापूर येथून एम एच ११ बीके २७५८ ही कार अंजनगाव कडे जात होती. ईटकी फाट्याजवळ या कारचा समोरचा टायर अचानक फुटल्याने सदर कार अनियंत्रित झाली.

यामुळे कारणे उलट्या घेत झाडावर आदळली, यावेळी समोरून येणाऱ्या दुचाकीला या कारने जोरदार धक्का दिला, सदर दुचाकीवर एक दांपत्य येत होते ते दूरवर फेकले गेले, कारने घेतलेल्या फलटणमध्ये कारमधील स्वार एक युवती अपघातात ठार झाली आहे तर दुचाकी व चारचाकी मधील एकूण चार जण गंभीर जखमी झाले आहेत.

कारमध्ये स्वार असलेले सर्व अंजनगाव येथील रहिवासी असून यामध्ये अर्पिता गिरी ही युवती मृत झाली आहे तर राजेश गिरी व सौ. रेखा गिरी हे गंभीर जखमी झाले आहेत तर दुचाकीवरील विशाल सोळंके व प्रतिक्षा सोळंके हे गंभीर जखमी झाले असून सर्व जखमींना दर्यापूर येथील उपजिल्हा रुग्णालयांमध्ये उपचारार्थ आणण्यात आले होते, यामधील गंभीर जखमींना तातडीने अमरावती येथे उपचारार्थ रवाना करण्यात आले आहे.