तोंगलाबाद ग्रामपंचायतच्या तंटामुक्ती समितीच्या अध्यक्षपदी रंगराव पाटील जळमकर यांची निवड

दर्यापूर – महेश बुंदे

तालुक्यातील तोंगलाबाद ग्रामपंचायत येथे दि. ४ फेब्रुवारी रोजी सकाळी ११ वाजता ग्रामसभेचे आयोजन करण्यात आले होते. यावेळी तंटामुक्ती समिती अध्यक्ष पदाची निवड करण्यात आली. या पदासाठी दोन लोकांनी दावेदारी केल्याने ग्रामसभेद्वारे गुप्त मतदान पद्धतीने निवडणूक घेण्यात आली. यावेळी निवडणूक अधिकारी म्हणून ग्रामसेवक विलास यादव व जिल्हा परिषद शिक्षिका अटाळकर मॅडम यांनी काम पाहिले. यावेळी ग्रामसभेला १३६ नागरिक उपस्थित होते.

यामध्ये रंगराव पाटील जळमकर यांना ९३ मते पडली तर दिनकर काळे यांना ४२ मते पडली आणि एक मत अवैध ठरले. या सभेला अध्यक्ष म्हणून सरपंच वैशाली निरंजन पानझाडे, उपसरपंच सुभाषराव जऊळकार, सदस्या ममता संतोष ठाकरे, अन्नपूर्णा हरिदास काळदाते, सविता प्रकाश सोळंके, माधुरी अमोल काळे आदी उपस्थित होते.

याप्रसंगी संजय शिखरे, गणेश कावनपूरे, सिद्धेश्वर सवळे, अरुण चव्हाण, निरंजन पानझाडे, संतोष ठाकरे, केशव बीजवाडे, हरिदास काळदाते, राजेश देवरे, रवी पुंडकर, रवी वक्ते, दिगाबर जळमकर, बंडू काळदाते, अनिल जामणिक, संतोष इंगळे, संतोष साठे, संदीप चव्हाण, पुंजाजी तायडे, सतीश ठाकरे, नकुल काळदाते, शुभम जळमकर, ऋषिकेश मेहरे यांच्यासह गावकरी उपस्थित होते. रंगराव पाटील जळमकर यांची तंटामुक्ती समितीच्या अध्यक्षपदी निवड झाली त्याबद्दल गावकऱ्यांनी त्याचे अभिनंदन केले आहे.