शिक्रापूर-चाकण रस्त्यावर अपघात एक ठार तर दोन जखमी.

शिक्रापूर : शिक्रापूर-चाकण रस्त्यावर करंदी फाटा येथे ऊसाच्या ट्रॅक्टरखाली चिरडून दुचाकीवरील सागर बासू राठोड हा युवक ठार झाला. तर बासू देवराम राठोड व भिकाबाई बासू राठोड हे दोघे जखमी झाल्याची घटना घडली. याप्रकरणी शिक्रापूर पोलीस ठाण्यात ट्रॅक्टरचालकावर गुन्हा दाखल करण्यात आला आहे.

शिक्रापूर (ता.शिरूर) येथे राहणारे बासू राठोड हे त्यांची पत्नी भिकाबाई, मुलगा सागर राठोड हे (एमएच १२ एस डब्ल्यु ३८३४) या दुचाकीवरून आळंदी येथे नातेवाईकांच्या लग्नासाठी गेले होते. सायंकाळच्या सुमारास चाकण बाजूने शिक्रापूर बाजूकडे लग्नाहून परत येत असताना करंदी फाटा येथे आल्यानंतर समोरून ऊसाच्या दोन ट्रोली घेऊन (एमएच १२ टी एन ५६६१) हा ट्रॅक्टर चाललेला असताना यावेळी सागर राठोड ट्रॅक्टर ओव्हरटेक करून पुढे जात असताना अचानक ट्रॅक्टर चालकाने ट्रॅक्टर अचानकपणे उजव्या बाजूला घेतल्याने राठोड यांच्या दुचाकीला ट्रॅक्टरचा धक्का लागला.

यावेळी सागर खाली पडला आणि त्यानंतर ट्रॅक्टरचे चाक त्याच्या डोक्यावरुन गेले. त्यात तो जागीच ठार झाला. यावेळी ट्रॅक्टर चालक ट्रॅक्टर सोडून पळून गेला. या अपघातात सागर बासू राठोड (वय २२ वर्षे रा. शिक्रापूर ता. शिरूर जि. पुणे) हा तरुण मृत्युमुखी पडला