घरकुल लाभार्थ्यांना बांधकामासाठी रेती उपलब्ध करून द्या ; छावा संघटनेच्या वतीने तहसीलदार यांना निवेदन

दर्यापूर – महेश बुंदे

दर्यापूर पंचायत समिती अंतर्गत तालुक्यातील सर्वच गावात घरकुल योजनेच्या माध्यमातून घरकुल मिळाले असून लाभार्थ्यांनी आपल्या घराचे बांधकाम सुरू केले आहे, पण बांधकामासाठी लागणारी रेती बंद असल्याने या नागरिकांना घरकूल बांधताना त्रास होते आहे, यामुळे अनेकांची कामे खोळंबली आहे. तरी तालुक्यातील घरकुल लाभार्थ्यांना रेती उपलब्ध करून द्यावी,

अशी मागणी छावा संघटनेच्या वतीने दर्यापूर तहसीलदार डॉ. योगेश देशमुख यांना निवेदन देऊन करण्यात आली आहे. निवेदन देते वेळी छावा संघटनेचे जिल्हाप्रमुख विपीन पाटील गावंडे, उपजिल्हा प्रमुख निलेश देशमुख, तुषार चौधरी, मनोज कोरडे आदी उपस्थित होते.