साबळे हॉस्पिटल समोर; वाहतूक नियंत्रणासाठी गतिरोधकाची गरज

दर्यापूर – महेश बुंदे

दर्यापूर येथिल अकोट रोडवरील असलेल्या डॉ. साबळे नवजीवन हॉस्पिटलजवळ असलेल्या रस्त्यावर भरधाव वेगाने येणारी वाहतूक एकत्र क्रॉस होते. या रस्त्यावर वाहनांची वर्दळ वाढली आहे, हा रस्ता मोठ्या प्रमाणात लहान मूल, महिला, नागरिकांचा वापर असून याच रस्त्यावरून ट्रॅक्टर, डंपर व मोटर सायकलचा सुद्धा वापर वाढला आहे.

गतिरोधक अभावी गंभीर अपघात होऊ शकतात. तरी वेळीच योग्य ठिकाणी गतिरोधक बसवावे व संभाव्य अपघात टाळावे तर संबंधित विभागाने याबाबत कार्यवाही करावी, अशी मागणी सुबोध फुटाणे यांच्यासह दर्यापूर वासियांकडून केली जात आहे.