राष्ट्रीय बालिका दिनानिमित्य एक दिवशीय कार्यशाळा वेबिनार

प्रतिनिधी फुलचंद भगत

वाशिम:-दि.24 जानेवारी “राष्ट्रीय बालिका दिनाच्या निमित्ताने” ICDS वाशिम व शिक्षण विभागाच्या संयुक्त विद्यमाने एक दिवसीय कार्यशाळा वेबिनार घेण्यात आले.याप्रसंगी अॅड. शृंगारे यांनी “महिला सक्षमीकरणासाठी”अनेक कायद्यांबाबत मार्गदर्शन करण्यात आले तसेच “महिलांच्या आरोग्याबाबत” डॉक्टर हेंबाडे यांनी मार्गदर्शन केले.

सदर कार्यक्रमास वाशिम तालुक्यातील सर्व जिल्हा परिषद शिक्षिका,किशोरवयीन मुली, त्यांचे पालक, अंगणवाडी सेविका मदतनीस आदी उपस्थित होते सदर कार्यक्रम अत्यंत सुरेख पद्धतीने पार पडला.वाशिमच्या सीडीपीओ प्रियंका गवळी यांना अशाच प्रकारचा कार्यक्रम आणखी एकदा घ्यायला लावा” अशा पद्धतीच्या अनेक पालकांच्या प्रतिक्रिया शिक्षण विभागाकडे व आयसीडीएस विभागाकडे येत आहेत.

या कार्यक्रमांमध्ये एका किशोरवयीन मुलीने देखील आपले मनोगत व्यक्त केले व “असे कार्यक्रम वारंवार घेतले जावेत जेणेकरून आमचं मनोबल वाढेल.अशी विनंती देखील करण्यात आली. सदर कार्यक्रमाची ऑनलाईन मर्यादा फुल झाल्याने जवळपास 70 ते 80 महिलांना कार्यक्रमास जॉईन करून घेता आले नाही, प्रसंगी बालविकास प्रकल्प अधिकारी कुमारी प्रियंका गवळी यांनी वाशिम चे लिंग गुणोत्तर वाढण्यास संबंधित सर्व शिक्षिका व अंगणवाडी सेविका यांनी आपला खारीचा वाटा उचलण्याचे धाडस करावे असे आवाहन करण्यात आले.