बेलोरा सेवा सहकारी सोसायटीची सार्वत्रिक निवडणूक अविरोध

दर्यापूर – महेश बुंदे

दर्यापूर तालुक्यातील सेवा सोसायटीचा पंचवार्षिक निवडणूक कार्यक्रम सुरू झाला असून यामध्ये तालुक्यातील बेलोरा सेवा सहकारी सोसायटीची सुद्धा सार्वत्रिक निवडणूक कार्यक्रम जाहीर झाला होता. त्यामुळे येथील सेवा सहकारी सोसायटी संचालक करिता सर्वांच्या एकमताने ही निवडणूक अविरोध झाली.

सुधाकर पाटील भारसाकळे व सुनील पाटील भारसाकळे यांच्या नेतृत्वाखाली सर्वसाधारण मतदारसंघात अनिल रामकृष्ण भारसाकळे, शिवदास देविदास भारसाकळे, गजानन सीताराम गोळबे, मंगेश मनोहर भारसाकळे, रामकृष्ण शेषरावजी भारसाकळे, प्रफुल्ल जगन्नाथ भारसाकळे, नंदकुमार नारायणराव भारसाकळे, गजानन गुलाबराव निंबाळकर, इतर मागासवर्गीय मतदारसंघात मनोज अशोकराव भारसाकळे, महिला राखीव मतदान संघात उमाबाई रमेश भारसाकळे, ज्योती बाळासाहेब तराळ, भज/वि ज/ विमाप्र मतदारसंघात दिलीप जानराव चारथळ, अनुसूचित जाती व जमाती मतदारसंघात सुखदेव रत्नलाल वाकोडे असे १३ संचालक अविरोध निवडून आले आहे. त्याचे गावकऱ्यांनी अभिनंदन केले आहे.