“बेटी बचाओ-बेटी पढाओ” योजनेच्या तालुका चॅम्पियन म्हणून कु. मनीषा निवृत्ती दुदंडे यांची नियुक्ती

दर्यापूर – महेश बुंदे

दर्यापूर पंचायत समिती अंतर्गत “बेटी बचाओ-बेटी पढाओ या योजनेची तालुका चॅम्पियन म्हणून कु.मनीषा निवृत्ती दुदंडे यांची निवड करण्यात आली. यावेळी त्यांचा गटविकास अधिकारी बाळासाहेब रायबोले यांच्या हस्ते सत्कार करण्यात आला. त्या जीवन विकास संस्था, तालुका समन्वयक म्हणून एकल, विधवा,महिला पुनर्वसन क्षेत्रात स्वयंसेवी संस्था तालुका प्रतिनिधी म्हणून कार्यरत आहेत.

या कार्यक्रमाला अध्यक्ष म्हणून पंचायत समितीचे गटविकास अधिकारी बाळासाहेब रायबोले,प्रमुख पाहुणे म्हणून सहाय्यक गटविकास अधिकारी सुधीर अरबट, गटशिक्षणअधिकारी वीरेंद्र तराळ,प्रकल्प अधिकारी प्रशांत अढावू,पर्यवेक्षिका खेडकर मॅडम,घूरडे मॅडम,राऊत मॅडम, नवले मॅडम,नागनाथ ईप्पर, प्रशांत तांबडे,सतिष रामकर आदी उपस्थित होते. यावेळी दर्यापूर पंचायत समितीचे कर्मचारी,अंगणवाडी सेविका,मदतनीस पालकवर्ग आदी उपस्थित होते. त्याच्या या नियुक्ती बद्दल त्यांचे सर्वत्र कौतुक व अभिनंदन होत आहे.