भारतीय स्वातंत्र्याचा अमृतमहोत्सव,साजरा करण्यासाठी अमरावती येथे प्राथमिक बैठक.

स्मरण आपल्या पूर्वजांच्या पराक्रमाचे !
स्मरण सामान्य माणसाच्या असामान्य शक्तीच्या योगदानाचे !!
निमित्त स्वातंत्र्याच्या अमृतमहोत्सवाचे.

भारतीय स्वातंत्र्याचा अमृतमहोत्सव अमरावती जिल्ह्यात अमरावती विभागात मोठ्या प्रमाणात साजरा करण्यासाठी नुकतीच अमरावती येथे प्राथमिक बैठक पार पडली.

श्री विजय राऊत , महाराष्ट्र नवनिर्माण सेनेचे महाराष्ट्राचे उपाध्यक्ष व श्री राज ठाकरे यांचे निकटवर्तीय तसेच अमरावती बायो ॲनिमेशन अँड रिसर्च सेंटरचे अध्यक्ष यांच्या प्रमुख अध्यक्षतेखाली ही बैठक पार पडली.

सुमारे दीड तास चाललेल्या या बैठकीत अत्यंत उपयुक्त सूचना बैठकीत सहभागी झालेल्या प्रत्येकाने मांडल्या. त्याचा एक कृतिरूप आराखडा दोन दिवसात तयार करून येणाऱ्या काळात राबवायचे उपक्रम कार्यक्रम याची माहिती जनतेला देण्यात येईल.

या बैठकीला केंद्रीय मंत्री श्री रामदास आठवले यांचे खाजगी सचिव तसेच माननीय राज्यपाल नामित संत गाडगेबाबा अमरावती विद्यापीठाच्या सिनेट सदस्य श्री मनिष गवई तसेच समाजकल्याण विभागातील अधिकारी श्री संभव इंगोले,

सलग पाच वेळा राष्ट्रीय नेहरू युवा केंद्राच्या राष्ट्रीय वक्ता पुरस्कार प्राप्त सावित्रीबाई फुले शैक्षणिक प्रकल्पाचे मुख्य कार्यकारी अधिकारी श्री भीम बारसे, अमरावती विद्यापीठाच्या क्रीडा विभागाचे सदस्य प्राध्यापक डॉक्टर उदय मांजरे, अमरावतीतील प्रसिद्ध उद्योजक श्री राजाभाऊ गडलिंग,

भारतीय जनता पक्षाच्या पश्चिम विदर्भ कामगार आघाडी च्या संयोजिका भाग्यश्री देशमुख, अमरावतीतील प्रसिद्ध गणराया या शैक्षणिक अकॅडमी च्या संचालिका सौ उन्नती शाळीग्राम, सौ किरण देशपांडे, मोझरी येथील राष्ट्रसंत तुकडोजी महाराज युवा प्रवर्तन समाजचे कार्यकारी अध्यक्ष श्री विकास बायस्कर, संत गाडगेबाबा अमरावती विद्यापीठाच्या शिक्षकेतर कर्मचारी संघटनेचे सदस्य श्री संतोष मालधुरे,

जळका हिरापुर येथील ग्रामपंचायत सदस्य श्री विलास भाऊ विघे वायगाव गणपती मंदिर यात्रा समितीचे विश्वस्त श्री धनंजय ओलिवकर, कोळी समाज संघटनेचे श्री विकास देशमुख, तसेच खोलापूर येथील प्रगतिशील शेतकरी व समाज क्रांतीचे प्रणेते भगवान गौतम बुद्ध सामाजिक प्रतिष्ठानचे अध्यक्ष श्री सवेन्द्र चक्रे उपस्थित होते.