रामतीर्थ येथील जि.प.शाळा व प्राथमिक आरोग्य केंद्रातील विविध विकासकामाचे भूमिपूजन संपन्न

दर्यापूर – महेश बुंदे

दर्यापूर तालुक्यातील रामतीर्थ येथील जिल्हा परिषद पूर्व माध्यमिक शाळेतील वर्ग खोलीचे ९.५० लक्ष रुपये बांधकाम, खोली दुरुस्ती ४ लक्ष रुपये आणि शाळेला कंपाउंड बांधकाम १० लक्ष रुपयांचे अशा विकासकामांचे भूमिपूजन जिल्हा परिषद आरोग्य सभापती बाळासाहेब हिंगणीकर यांच्या निधीतून दि. २२ जानेवारी रोजी संपन्न झाले. तसेच येथील प्राथमिक आरोग्य केंद्रातील इमारतीचे भूमिपूजन सुद्धा यावेळी संपन्न झाले.

या कार्यक्रमाला उदघाटक म्हणून दर्यापूरचे आमदार बळवंत वानखडे उपस्थित होते. तर कार्यक्रमाला अध्यक्ष म्हणून जिल्हा परिषद आरोग्य सभापती बाळासाहेब हिंगणीकर तर प्रमुख पाहुणे म्हणून अमरावती जिल्हा मध्यवर्ती बँकेचे अध्यक्ष सुधाकर पाटील भारसाकळे, जेष्ठ नागरिक अण्णासाहेब देशमुख, रामतीर्थ ग्रामपंचायत सरपंच प्रियंका मोटे, अमरावती जिल्हा किसान सेलचे अध्यक्ष सुनील पाटील गावंडे, पंचायत समितीचे माजी उपसभापती संजय देशमुख, जेष्ठ पत्रकार गजानन देशमुख आदी उपस्थित होते. यावेळी जिल्हा परिषद पूर्व माध्यमिक शाळा व प्राथमिक आरोग्य केंद्र येथे पाहुण्यांचे स्वागत व सत्कार करण्यात आला.

यावेळी ग्रामपंचायत सदस्या कोमल राहुल खडे, गोकुला भदे, मुख्याध्यापक श्री चौरपागर सर, शिक्षक कराळे सर, जाधव सर, केंद्रे सर, नाचणे मॅडम, वाटणे मॅडम, गुल्हाने मॅडम तसेच शाळा व्यवस्थापन समिती अध्यक्ष गोपाल काळे, योगिता गजानन शेळके, राजाभाऊ खडे, पेंटर सदांशिव, संदीप मोटे, आदित्य खडे आदी उपस्थित होते. तर प्राथमिक आरोग्य केंद्र येथील कार्यक्रमात तालुका वैद्यकीय अधिकारी डॉ. राजेंद्र रहाटे, रामतीर्थ केंद्राचे वैद्यकीय अधिकारी डॉ. सचिन गोळे, डॉ.माया तायडे, सीएचओ डॉ. ओम दिपके, सीएचओ डॉ. आशिष मोहन, औषधी निर्माण अधिकारी वीरेंद्र खंडारे, आरोग्यसेविका श्रीमती नाल्हे, गतप्रवर्तिका वैशाली गावंडे, आरोग्य सहाय्यक श्री खंडारे आदी उपस्थित होते. याप्रसंगी पत्रकार अमोल कंटाळे, सूरज देशमुख, धनंजय देशमुख, रितेश देशमुख व गावकरी मोठ्या संख्येने उपस्थित होते.