संदिप रोहणकर यांची महाराष्ट्र शासनाच्या राज्य स्तरावरील आचार्य फेलोशिपला निवड

दर्यापूर – महेश बुंदे

महाराष्ट्र शासनाच्या महात्मा ज्योतिबा फुले (महाज्योती) – इतर मागास व बहुजन कल्याण विभागाच्या वतीने राज्यपातळीवर पी.एच.डी संशोधना करिता दिल्या जाणाऱ्या फेलोशिप २०२१ करिता ओ. बी.सी. प्रवर्गातून अर्थशास्त्र विषयामध्ये आचार्य पदवी करिता संशोधन करीत असलेले संदिप रोहणकर यांना महाराष्ट्र शासनाकडून उच्च शिक्षणात संशोधन उत्तम दर्जाचे व्हावे या करिता महाराष्ट्र शासनाच्या वतीने फेलोशिपला मोजक्या संशोधकांची निवड होत असते.

त्यामध्ये शिवाजी कला व वाणिज्य महाविद्यालय अमरावती येथील संशोधक व येवदा ता. दर्यापूर जि. अमरावती येथील रहिवाशी संदिप गजानन रोहणकर यांची वरील फेलोशिपला निवड झाली असता प्राचार्य डॉ. रामेश्वरजी भिसे सर (श्री. शिवाजी कला व वाणिज्य महाविद्यालय अमरावती) यांनी दखल घेत महाविद्यालयात पुष्पगुच्छ व पुस्तक रुपी भेट देऊन अभिनंदन केले. यावेळी मार्गदर्शक डॉ. राजेश बुरंगे संचालक राष्ट्रीय सेवा योजना अमरावती विद्यापीठ, अर्थशास्त्र विभाग प्रमुख डॉ. किशोर साबळे, अर्थशास्त्र विभागातील सहयोगी प्राध्यापक डॉ. जयराज गायकवाड, डॉ. गजानन भारती उपस्थित होते.