सर्पमैत्रिणीने दिले नागाला जीवदान

प्रतीनिधी:-फुलचंद भगत

वाशिम:-मंगरुळपीर तालुक्यातील खेर्डा येथे प्रेम पवार यांच्या घरात एक साप त्यांना दिसला. त्यामुळे त्यांची भितीने गाळण उडाली. यावेळी सर्पमैत्रिण कु.आम्रपाली पडघान तिथे नातेवाईकांच्या घरी गेलेल्या असता त्यांना माहिती मिळताच त्या तत्काळ घटनास्थळी दाखल झाल्या. सदर साप विषारी ५ फुट लांब नाग होता.

यावेळी सर्पमैत्रिण आम्रपाली यांनी अतिशय शिताफीने सदर ५ फुट लांब नागाला पकडले. यानंतर उपस्थितांना सदर सापाबद्दल माहिती देऊन त्यांच्या मनात सापाबद्दल असलेल्या अंधश्रध्दा दुर केल्या. सदर सापाची वनविभागाला नोंद करून निसर्ग अधिवासात सोडत जीवदान दिले. यावेळी तेथील नागरिकांनी आम्रपाली च्या धाडसाचे कौतुक केले.वातावरणात झालेल्या बदलामुळे सापांचा मानवी वस्तीत वावर वाढला.