स्वर्गीय कुलदीप पाटील गावंडे यांना सर्व पक्ष पंथ संप्रदाय तर्फे भावपूर्ण श्रद्धांजली

दर्यापूर – महेश बुंदे

दर्यापूर येथील प्रतिष्ठित नागरिक, सहकार नेते, स्वर्गीय बाबासाहेब सांगळूदकर स्मृती केंद्राचे संस्थापक अध्यक्ष अशा एक नाही तर अनेक सहकार क्षेत्रात त्यांचा चांगलाच दबा दबा होता. सहकार क्षेत्रातील तसेच राजकिय, सामाजिक, सांस्कृतिक क्षेत्रातील दिग्दज व्यक्तिमत्त्व कुलदीप पाटील गावंडे यांना श्रद्धांजली अर्पण करण्यासाठी त्यांच्या अनेक चाहत्यांनी, नातेवाइकानीं व मित्र परिवाराने गर्दी केली होती.

यावेळी या शोकसभेचे अध्यक्षस्थान आमदार प्रकाश पाटील भारसाकळे यांनी भूषविले होते. यावेळी प्रातिनिधीक स्वरूपात आमदार बळवंत वानखडे, गुलाबराव गावंडे, अकोटचे आमदार प्रकाश पाटील भारसाकळे, शिक्षक मतदार संघाचे आमदार किरण सरनाईक या मान्यवरांची श्रद्धांजलीपर भाषणे झाली.

यावेळी माजी आमदार रमेश बुंदीले, जिल्हा परिषदचे आरोग्य सभापती बाळासाहेब हिंगणीकर, अनिल भारसाकळे, ऍड. अभिजीत देवके
यांच्यासह कुटूंबिय आप्तेष्टांसह, पंचक्रोशीतील जेष्ठ श्रेष्ठ मंडळींची उपस्थिती या श्रद्धांजली सभेला होती. प्रा. डॉ. गजानन हेरोळे यांनी स्व. कुलदीप दादा गावंडे यांच्या जीवनकार्यावर सखोल प्रकाश टाकला. या शोकसभेचे सूत्र संचालन गजानन देशमुख यांनी केले. अशाप्रकारे कुलदीप पाटलाच्या अकाली जाण्यामुळे सर्वजण हळहळ व्यक्त करीत होते.