नाना पटोलेंवर गुन्हा दाखल करण्यासाठी भाजपने गाठले पोलिस ठाणे !

दर्यापूर – महेश बुंदे

काँग्रेस प्रदेशाध्यक्ष नाना पटोले यांनी कार्यकर्त्यांशी बोलताना पंतप्रधान नरेंद्र मोदी यांना उद्देशून मारण्याची व शिव्या देण्याची धमकी दिली आहे. हे अत्यंत गैर आहे. ते कदापी सहन केले जाणार नाही. याबाबत भाजपचे प्रदेशाध्यक्ष चंद्रकांत पाटील यांनी केलेल्या सुचनेनुसार तालुकाध्यक्ष माणिकराव मानकर, शहराध्यक्ष नानाभाऊ माहोरे, यांसह पदाधिकाऱ्यांनी दर्यापूर पोलिसांत निवेदन दिले. याबाबत लवकर गुन्हा दाखल करावा अन्यथा आंदोलन करू असा इशारा त्यांनी दिला.

भारतीय जनता पक्षाच्या शिष्टमंडळात तालुकाध्यक्ष माणिकराव मानकर, शहराध्यक्ष नानाभाऊ माहोरे, माजी तालुका अध्यक्ष विजयराव मेंढे, माजी शहराध्यक्ष अनिल कुंडलवाल, नगरसेवक उध्दवराव नळकांडे, किसान आघाडी जिल्हाध्यक्ष अतुल गोळे, शहर सरचिटणीस मनोज नावडकर, निलेश गावंडे, शहर उपाध्यक्ष कमलेश भट्टड, बुथ प्रमुख प्रमोद कपिले, अमोल धोटे, पराग दंडवते यांचा समावेष होता. पोलिसांनी तातडीने कारवाई न केल्यास पुढील आंदोलनाची पक्षाची तयारी असल्याचे यावेळी शहराध्यक्ष नाना माहोरे यांनी दर्यापूर पोलिस ठाण्याचे पोलीस उपनिरीक्षक शुद्धोधन नितनवरे यांना सांगितले.