चाकण नंबर दोन शाळेच्या दहा शिष्यवृत्ती गुणवत्ताधारक विद्यार्थिनींचा सन्मान सोहळा

चाकण वार्ता :- प्रेरणादायी गटशिक्षणाधिकारी संजय नाईकडे साहेब यांच्या प्रेरणेने, विस्तार अधिकारी जीवन कोकणे,साधना वाघोले,अलका जगताप, केंद्रप्रमुख हिरामण कुसाळकर,शा.व्य स मिती अध्यक्षा रुपाली भुजबळ,मुख्याध्यापिका कमलताई खेडकर यांच्या मार्गदर्शनाने, जि. प. प्राथमीक शाळा चाकण नंबर 2 शाळेने पूर्व माध्यमिक शिष्यवृत्ती परीक्षा 2021 मध्ये घवघवीत यश प्राप्त केले. यामध्ये दहा विद्यार्थिनी गुणवत्ताधारक ठरलेल्या आहेत .विद्यार्थिनीं-ईश्वरी थोरात ही २८४ गुण मिळवून शहरी राज्य गुणवत्ता यादीत ५वी व जिल्हा गुणवत्ता यादीत ३री आली आहे.

या विद्यार्थिनींचा व त्यांच्या मार्गदर्शक सौ. मेघा संदेश गावडे मॅडम, सौ. कविता आल्हाट मॅडम ,श्री .हनुमंत कलवडे सर या शिक्षकांचा सन्मान करण्यात आला. मुख्याध्यापिका कमलताई खेडकर मॅडम ,पालकांचे उपस्थितीत सन्मान संपन्न झाला. या प्रसंगी विद्यार्थिनीं-ईश्वरी थोरात, श्रुती डौले हिने शिक्षकांप्रति कृतज्ञता व्यक्त केली. इंदुमती पवार मॅडम यांनी विद्यार्थिनींचे व पालकांचे विशेष कौतुक केले . मुख्याध्यापिका कमलताई खेडकर मॅडम यांनी या यशाचे खरे मानकरी विद्यार्थी आहेत हे गौरवोद्गार काढले .या गुणवंत विद्यार्थिनींना पेन्सिल बॉक्स, गुलाब पुष्प ,पेढा भरवून कौतुक करण्यात आले.

चाकण नंबर दोन शाळेची अखंडित यशाची परंपरा विद्यार्थ्यांनी चालू ठेवल्यामुळे मुख्याध्यापक पालक यांना अत्यानंद झाला . शिष्यवृत्ती मानकरी विद्यार्थी यांचा सन्मान पालक, शिक्षक, मुख्याध्यापक यांच्या उपस्थितीत करण्यात आला.