उठा जागे व्हा आणि चालायला लागा, ध्येय मिळेपर्यंत संघर्ष करा – डॉ. गजानन हिरोळे

दर्यापूर – महेश बुंदे

दर्यापूर तालुक्यात स्वामी विवेकानंद नागरिक सेवा समिती दर्यापूरच्या वतीने २७ वर्षाची परंपरा राखत ऑनलाइन विवेकानंद व्याख्यानमालेचे आयोजन करण्यात आले त्यावेळी स्व. गंगाबाई कांठाळे यांच्या स्मरणार्थ प्रथम पुष्प प्रशांत भाग्यवंत यांनी गुंफविले स्थिर बुद्धीचे व्हा सर्वात महत्त्वाचे म्हणजे पवित्र व्हा व स्वतःशी पूर्णपणे प्रामाणिक रहा आपल्या भविष्यावर श्रद्धा ठेवा उठा जागे व्हा आणि चालायला लागा ध्येय मिळेपर्यंत संघर्ष करा असे प्रतिपादन कार्यक्रमाचे वक्ते प्रा. डॉ. गजानन हेरोळे यांनी व्यक्त केले ते ऑनलाइन व्याख्यानमाला च्या दुसरे पुष्पस्थानी बोलत होते.

यावेळी कार्यक्रमाचे अध्यक्ष स्वामी विवेकानंद नागरिक सेवा समितीचे सचिव तथा मुख्य संयोजक प्रकाश कुटाफळे तर प्रमुख अतिथी व संयोजक संतोष मिसाळ अध्यक्ष चंद्रशेखर आजाद सार्वजनिक वाचनालय पनोरा, राजेंद्र पारडे संयोजक, सौ कुटाफळे, युवा पत्रकार महेश बुंदे हे उपस्थित होते. यावेळी स्वामी विवेकानंद यांच्या प्रतिमेचे पूजन करून प्रमुख अतिथीचे माल्यार्पण करण्यात आले त्याप्रसंगी व्याख्यानमालेचे प्रास्ताविक प्रकाश कुटाफळे यांनी केले तर सुत्रसंचलन व आभार संतोष मिसाळ यांनी मानले अनेक रसिकांनी व्याख्यानमालेचा आस्वाद घेतला.