१३ जानेवारीला जे. डी. पाटील सांगळुदकर स्मृति व्याख्यानमाला व वार्षिकोत्सव

दर्यापूर – महेश बुंदे

श्री शिवाजी शिक्षण संस्था अमरावती द्वारा संचालित जे. डी. पाटील सांगळुदकर महाविद्यालय दर्यापूर येथे दरवर्षीप्रमाणे या वर्षीसुद्धा स्वर्गीय जे. डी. पाटील उपाख्य बाबासाहेब सांगळुदकर स्मृति व्याख्यानमाला व वार्षिकोत्सव कार्यक्रम दिनांक १३ जानेवारी ते १५ जानेवारी २०२२ दरम्यान आयोजित केला असून

या कार्यक्रमाचे अध्यक्षस्थान श्री शिवाजी शिक्षण संस्थेचे अध्यक्ष हर्षवर्धन देशमुख हे भूषवणार असून या महोत्सवाचे उद्घाटन लोकप्रिय आमदार बळवंत वानखडे हे करणार आहेत तर प्रमुख पाहुणे म्हणून श्री शिवाजी शिक्षण संस्था संपूर्ण कार्यकारणी श्री नरेशचंद्र ठाकरे, डॉ. रामचंद्र जी शेळके, ऍड गजानन पुंडकर, श्री दिलीप इंगोले, हेमंत काळमेघ, प्राचार्य केशवराव गावंडे, केशवराव मेतकर, शेषराव खाडे, प्राचार्य डॉ. यम पी ढोरे, नरेशचंद्र पाटील, प्राचार्य डॉ. पी. एस वायाळ, डॉ. अमोल महल्ले, बापूसाहेब कोरपे, कुलदीप पाटील गावंडे, सौ. कांचनमाला पाटील गावंडे, व त्याचबरोबर शिव परिवारातील मान्यवर उपस्थित राहणार आहेत. सकाळी नऊ वाजता त्यांच्या समाधीस्थळी श्रद्धांजली कार्यक्रम वरील मान्यवरांच्या उपस्थितीत होणार असून त्यानंतर सकाळी साडेदहा वाजता व्याख्यानमाला उद्घाटन मान्यवरांच्या उपस्थित होणार असून त्याप्रसंगी वक्ते म्हणून डॉ. एच. एम सिन्हा महाविद्यालय पातुर, माजी प्राचार्य हिम्मतराव सपकाळ यांचे व्याख्यान त्यानंतर दुपारी साडेबारा वाजता दुर्मिळ ग्रंथप्रदर्शन ग्रंथालय विभाग यांच्यावतीने आयोजित केले आहे. तरी वरील कार्यक्रम प्रसंगी सर्वांनी शिव परिवारातील सर्व सदस्यांनी उपस्थित राहावे असे आवाहन महाविद्यालय विकास समिती व शाळा समिती यांनी व प्रभारी प्राचार्य डॉ दीनदयाल ठाकरे यांनी एका प्रसिद्धिपत्रकाद्वारे दिले असून कार्यक्रम शासनाने कोविड – १९ संदर्भात दिलेल्या निर्देशानूसार कार्यक्रम आयोजित केला आहे.